You are using an outdated browser. Please upgrade your browser to improve your experience.
ՍԿԻԶԲ

Եվրոպական հանձնաժողովը թողարկել է նոր կայք EU4Business՝ «ԵՄ-ն՝ բիզնեսի համար» ծրագրի շրջանակներում՝ ներկայացնելով մանրամասն տեղեկություններ Հայաստանի, Ադրբեջանի, Բելառուսի, Վրաստանի, Մոլդովայի և Ուկրաինայի փոքր և միջին ձեռնարկություններին ԵՄ աջակցության մասին։

Հիմնական կայքը գործում է նախաձեռնության բոլոր գործընկերների և մասնակիցների համար՝ «մեկ պատուհան» սկզբունքով։ Այստեղ ներկայացված են երկրներից յուրաքանչյուրում ՓՄՁ-ներին ցուցաբերված աջակցության արդյունքները, մանրակրկիտ վիճակագրությունը՝ տրոհված ըստ ուղղությունների և գործիքների, ծրագրերի պորտֆելները, հաջողության պատմությունները՝ ըստ երկրի և աջակցության տեսակի։ Ընդհանուր կայքում կարելի է տեսնել՝ ինչ գործիքներ են կիրառվում երկրներից յուրաքանչյուրում և համեմատել արդյունքները։

«ԵՄ-ն՝ բիզնեսի համար» նախաձեռնությունը նաև պաշտոնապես ներկայացրել է յուրաքանչյուր երկրի ձեռներեցների թիրախային լսարանի համար նախատեսված առանձին  կայքեր (Հայաստան, Ադրբեջան, Բելառուս, Վրաստան, Մոլդովա, Ուկրաինա)։ Ինչպե՞ս ստանալ վարկ կամ դրամաշնորհ՝ բիզնեսի զարգացման համար, և ո՞ր բանկում է ավելի հեշտ դա անել։ Ու՞մ դիմել՝ արտահանում սկսելու նպատակով խորհրդատվություն ստանալու համար։ Ինչպե՞ս մասնակցել միջազգային ցուցահանդեսի կամ վերապատրաստման աշխատաժողովի՝ նոր հաճախորդներ և գործընկերներ ձեռք բերելու նպատակով։ Տեղական կայքերից յուրաքանչյուրում ձեռներեցները մի քանի րոպեում կարող են հասկանալ, թե ինչպես ԵՄ-ը կարող է օգնել իրենց բիզնեսին՝ տարբեր ռեսուրսներից այս  տեղեկությունները մաս-մաս հավաքելու փոխարեն։ Այստեղ նաև կարելի է ոգեշնչվել այն բիզնեսների դրական օրինակով, որոնք արդեն իսկ համագործակցում են ԵՄ-ի հետ՝ միևնույն ժամանակ հետևելով կարևոր իրադարձությունների ազդագրերին, և տեսնելով, թե ինչ է արվում երկրի գործարար միջավայրի համար։

«Մենք տեղեկատվական աջակցություն են ապահովում մեր գործընկեր տարբեր լսարանների՝ ձեռներեցների, դոնորների, գործարարության աջակցության կազմակերպությունների համար։ Նրանց բոլորին տարբեր տեղեկություններ են հետաքրքրում՝ ձեռներեցին ավելի կարևոր է իմանալ, թե ու՞ր կարող է դիմել՝ վարկ ստանալու նպատակով, ի տարբերություն ողջ տարածաշրջանում տրամադրված վարկերի և  աշխատատեղերի աճի կոռելյացիայի ցուցանիշների, որոնք կարևոր են, օրինակ՝ ԵՄ գործընկերների և ֆինանսական կազմակերպությունների համար», - բացատրում է «ԵՄ-ն՝ բիզնեսի համար» ծրագրի ղեկավար Մարկ Հելլերը։ Նրա խոսքով՝ կայքերը տարանջատել են, որպեսզի դրանք առավելագույն օգտակարություն ունենան շահագրգիռ կողմերի յուրաքանչյուր խմբի համար։ Հիմա դրանք ավելի հստակ են պատկերում ԵՄ աջակցության ներուժը, իսկ ձեռներեցները կարող են դրանից օգտվել ողջ ծավալով։

«ԵՄ-ն՝ բիզնեսի համար» ծրագրի վերջին տարեկան հաշվետվության համաձայն, 2019թ․ ծրագրային գործողությունների շնորհիվ Հայաստանում, Ադրբեջանում, Բելառուսում, Վրաստանում, Մոլդովայում և Ուկրաինայում աջակցություն է ստացել ավելի, քան 78 000 ընկերություն։

Ամենավերջինը Նորություններ
am
01.10.2021
Վերակառուցման և զարգացման եվրոպական բանկը (ՎԶԵԲ) 5 մլն ԱՄՆ դոլարի չափով ֆինանսական փաթեթ է տրամադրում Ինեկոբանկին՝ նպաստելու Հայաստանում մասնավոր հատվածի անցմանը դեպի ավելի կայուն, ցածր ածխածնային և կլիմայակայուն գործելակերպերի։
am az by ge md ua
20.09.2021
2020 թվականի սկզբին COVID-19-ի բռնկումից ի վեր ԵՄ-ն, նրա անդամ պետությունները և եվրոպական ֆինանսական հաստատությունները՝ ի դեմս «Թիմ Եվրոպա» նախաձեռնության, 34 միլիարդ եվրո են հատկացրել գործընկեր երկրներին՝ համավարակի դեմ պայքարի և դրա հետևանքների հաղթահարման համար՝ կատարելով կոնկրետ արդյունքներ ապահովելու մասին իրենց խոստումները։
am
07.09.2021
ԵՄ-ի տրամադրության տակ առկա են մի քանի գործիքներ, որոնք ուղղված են Արևելյան գործընկերության շրջանակներում ՓՄՁ-ներին աջակցելուն։ Դրանց վերջերս ավելացել է նաև Բաժնեմասնակցային ներդրումների գործիքը՝ Ֆինանսավորման հասանելիության (A2F) շրջանակներում։

Քուքիներ
Այս կայքն օգտագործում է թխուկներ՝ ձեզ առաջարկելով կայքը թերթելու ավելի լավ հնարավորություններ: Կարդալ ավելին
Ես մերժում եմ թխուկները
Ես ընդունում եմ թխուկները