Ծրագիրը տրամադրում է հայաստանյան ՓՄՁ-ների համար հասանելի կապիտալի բաժնեմասնակցային և քվազի-բաժնեմասնակցային ֆինանսավորում՝ երկրում առկա ֆինանսավորման լուծումները տեղական ՓՄՁ-ների կորպորատիվ կառավարման բարելավմանն ուղղված տեխնիկական խորհրդատվության և տեղական մակարդակում մասնավոր կապիտալ բաժնեմասնակցային ներդրումների կառավարման կարողությունների ձևավորման միջոցով բազմազանեցման նպատակով։

Եթե դուք զբոսաշրջության ոլորտում գործունեություն ծավալող ՓՄՁ եք կամ բարձր տեխնոլոգիաներով ու նորարարությամբ զբաղվող ձեռներեց, և հատկապես եթե գործում եք Հայաստանի մարզերում, կարող եք օգտվել կառավարման բարելավմանն ուղղված խորհրդատվական ծառայություններից, գիտելիքների միջազգային փոխանակման հնարավորություններից և ցանցերից։

Ծրագիրը նախատեսում է դրամաշնորհի տրամադրման հնարավորությամբ տեխնիկական խորհրդատվություն՝ սատարելու Հայաստանի Սյունիքի մարզում զբոսաշրջության զարգացման գաղափարները։ Դրամաշնորհների նպատակն է զարգացնել նոր զբոսաշրջային ապրանքներ, այդ թվում՝ Գորիսից Կապան 300 կմ երկարություն ունեցող նոր քայլարշավի արահետը։

Եվրամիության կողմից ֆինանսավորվող «ԵՄ-ն՝ Սևանի համար․ բիզնեսի զարգացման և նորարարության ՓՄՁ հարթակ» ծրագրի շրջանակներում ստեղծված բիզնես կենտրոնը սկսնակ ձեռներեցներին տրամադրում է գործարարության աջակցության ծառայություններ՝ թիրախ խմբերի համար կազմակերպելով մասնագիտական կարողությունների զարգացման աշխատաժողովներ, համաժողովներ, ցանցային կապերի և ծանոթությունների, քոուչինգի միջոցառումներ, գործարար շրջանակները, կառավարությունը և համալսարանական շրջանակները ներկայացնող ականավոր բանախոսների դասախոսություններ, անհատական և խմբային խորհրդատվություններ։ Այն նաև առաջարկում է ժամանակակից սարքավորումներ և համատեղ աշխատանքային տարածքներ։

Զբոսաշրջության ոլորտի ՓՄՁ-ները կարող են օգտվել տեղական համայնքի անդամների, տեղական իշխանությունների, Զբոսաշրջության պետական կոմիտեի, տուրօպերատորների, ինչպես նաև տեղական և միջազգային շահագրգիռ կողմերի միջև հաստատված նոր գործընկերություններից։

Հայաստանում տեղական ԳԱԿ-ների կողմից թիրախավորված աջակցությունը աջակցության նպատակն է օժանդակել ընկերություններին դեպի ԵՄ շուկա հասանելիության, թիրախավորված կարողությունների զարգացման, խորհրդատվական ծառայությունների և շուկայի հասանելիության գործողությունների միջոցով։ Նախագիծն աջակցում է ԳԱԿ-ներին՝ բավարարելու ՓՄՁ-ների կարիքներն ընտրված համաշխարհային արժեշղթաներում, անցկացնում է վերապատրաստումներ՝ բարելավումների հիմնական ոլորտներում, նպաստում տեղեկատվության-գիտելիքների համօգտագործման հարթակների ստեղծմանը, տեխնիկական և առևտրային համագործակցային կապերի հաստատմանը՝  մասնագիտական հաստատությունների և թիրախ շուկայի ոլորտային կազմակերպությունների միջև։

ՁԵՑ-ն աջակցում է ՓՄՁ-ներին՝ հստակեցնելու ներուժային բիզնես գործընկերներին և հաստատելու նոր գործարար համագործակցություն, ներկայացնելու հայկական բիզնեսի գործն ու տեխնոլոգիական տվյալները արտերկրում: Այն նաև կազմակերպում է բիզնես համագործակցության միջոցառումներ և հանդիպումներ ներուժային գործընկերների հետ, ինչպես նաև տրամադրում է տեղեկություններ արտասահմանյան ձեռնարկատերերին՝ Հայաստանում բիզնես միջավայրի, մրցունակ ոլորտների, ներքին օրենսդրության, արտահանման և ներմուծման կարգերի մասին: 

ԵԲԱ-ն աջակցում է բիզնես հանրությանը Հայաստանում և նպաստում Հայաստանի ու Եվրոպական միության միջև ինտեգրմանն ու համագործակցությանը: ԵԲԱ-ն պարբերաբար կազմակերպում է խորհրդաժողովներ, համաժողովներ, բիզնես հանդիպումներ, ցանցային միջոցառումներ տեղական ու Հայաստանում գործող ԵՄ բիզնեսների համար: Ընկերությունների կարիքների գնահատման հիման վրա ԵԲԱ-ն պաշտպանում է ԵՄ և տեղական կազմակերպությունների շահերը, որոնք խոչընդոտների ու որոշ դժվարությունների են հանդիպում օրենսդրական, հարկային, մաքսային և այլ ոլորտներում: 

ԵՄ աջակցությամբ գործող հարթակ ներդրողների համար՝ հանդիպելու և համագործակցելու գործընկերների հետ, կապ հաստատելու խոստումնալից ստարտափերի և ձեռնարկատերերի հետ: Այն պարբերաբար աշխատաժողովներ է կազմակերպում ներդրողների համար աշխարհի տարբեր երկրների գործընկերների հետ համագործակցելու և փորձառու ներդրողներից սովորելու համար: 

Իմփաքթ հաբ Երևանը սոցիալական նորարարական տարածք և համայնք է՝ Հայաստանի դրական զարգացումն առաջ մղող նախագծերի և ձեռնարկությունների սոցիալական ազդեցությանն աջակցելու առաքելությամբ: ԵՄ աջակցությամբ գործող Իմփաքթ հաբ Երևանը ձեռնարկատերերին նորարարներին տրամադրում է ցանցային հնարավորություններ, ռեսուրսներ, կրթական ծրագրեր և միջոցառումներ: 

ԵՄ կողմից ֆինանսավորվող այս նախաձեռնության նպատակն է ժամանակակից կրթություն տրամադրել համալսարանական STEM (Գիտություն, տեխնոլոգիա, ինժեներիա, մաթեմատիկա) ուսանողներին և երիտասարդ մասնագետներին՝ պատրաստելու նրանց աշխատաշուկային:

ԹՈՒՄՈ լաբորատորիաներն արդյունաբերական խաղացողների հետ համագործակցությամբ կրթական յոթ ծրագիր են սկսել 2020թ.-ին, որոնցում տարբեր համալսարանների ուսանողները՝  մենթորների և ոլորտի փորձագետների հետ միասին աշխատում են հատուկ STEM-արդյունաբերություն խնդիրների լուծման ուղղությամբ բազմաթիվ թեմաներով՝ ներառյալ արհեստական բանականություն՝ AI, IoT, Agri-Tech, եռաչափ մոդելավորում և ամպային անվտանգություն: Մոտ 100 ուսանողներ տարբեր համալսարաններից միացել են ծրագրին:

Երևանի ծրագրավորման դպրոցը մեկնարկել է 2020թ. սեպտեմբերին: Այն ուսանողներին զինում է ծրագրավորման հմտություններով՝ եռամյա դասընթացային գործնական ծրագրի միջոցով, խթանում է աշխատունակության ցուցանիշը՝ առաջատար բոլոր մասնակիցների համար դարձնելով այն ավելի քան 95%:

Նախաձեռնությունն օգնում է համայնքի ղեկավարներին և համայնքապետարաններին դառնալ տեղական մակարդակում տնտեսական աճի և աշխատատեղերի ստեղծման ակտիվ աջակիցներ և օժանդակում է նրանց գործարարության աջակցության կենտրոնների կամ խորհուրդների հիմնադրման գործում։ Այս կենտրոններում ՓՄՁ-ների զարգացման, վերապատրաստումների և աշխատակազմի փոխանակման համար տրամադրվող հնարավորությունները օգնում են ձեռնարկություններին լիարժեքորեն իրացնել տեղական տնտեսական ներուժը։

Նոր բիզնես ինկուբատորը (ԲԻ) բացվել է Հայաստանի մայրաքաղաք Երևանում՝ «Սիրիահայերի և տեղացիների դիմակայունության բարձրացում» (ԻՐԻՍ) ծրագրի շրջանակներում և ֆինանսավորվում է Սիրիական ճգնաժամին ի պատասխան ստեղծված ԵՄ տարածաշրջանային թրաստ ֆոնդի (ՄԱԴԱԴ), Ավստրիական զարգացման համագործակցության և Ավստրիական Կարմիր խաչի կողմից՝ խթանելու Հայաստանում սիրիահայերի և տեղացիների տնտեսական ինտեգրումը՝ նորարարության և ձեռնարկատիրական ոգու խթանմամբ տեղական տնտեսության մրցունակության բարձրացման միջոցով։ ԲԻ-ն ապահովում է գործարարության աջակցման ծառայությունների եզակի համապարփակ պարբերաշրջան՝ ներառյալ ուսուցումը, քոուչինգը, մենթորինգը, դրամաշնորհներին և ֆինանսական միջոցներին հասանելիությունը, համատեղ աշխատանքային տարածքների տրամադրումը Երևանի կենտրոնում։

Կենտրոնանալով հեղափոխական ձեռնարկատիրության ձևավորման և ստարտափների հիմնման կրթական ծրագրերի վրա՝ ԵՄ աջակցությամբ ստեղծված Ակադեմիան օգնում է Հայաստանի տեխնոլոգիական ընկերություններին ընդլայնվել դեպի միջազգային շուկաներ։ Հաճախորդների զարգացումը հետագծող գիտելիքներն ու գործիքները, մենթորությունը և գնահատումը կօգնեն ՓՄՁ-ներին հաղթահարել շուկա մուտք գործելու խոչընդոտները՝ ֆինանսավորման, աքսելերացիայի և Եվրոպայի, ԱՄՆ-ի, Մերձավոր Արևելքի և Աֆրիկայի առաջատար խորհրդատվական հաստատությունների հետ գործընկերությամբ։ Նախաձեռնությունն իրականացվում է ԵՄ «Նորարարական տուրիզմի և տեխնոլոգիաների զարգացում Հայաստանի համար» ծրագրի ներքո։