EU4Business-ի SMEDA ծրագիրը (Աջակցություն ՓՄՁ զարգացմանը Հայաստանում) հայտարարում է առաջարկների մրցույթ՝ մասնավոր հատվածի կազմակերպություններին (ԳՄԿ-ներին և ԳԱԿ-երին) աջակցելու նպատակային դրամաշնորհների համար:
Դիմումների ընդունման վերջնաժամկետը՝ 2017 թ. նոյեմբերի 10, ժամը 16:00:
Այս առաջարկների մրցույթի նպատակն է օգնել մասնավոր հատվածի կազմակերպություններին (բիզնես ասոցիացիաներին և գործարար մասնակցության այլ կազմակերպություններին)`
-
բարելավել իրենց կառավարման կարողությունները՝ իրենց անդամներին և ընկերություններին ավելի լավ ծառայություններ մատուցելու, մասնակցությունը ընդլայնելու և եկամուտ ստեղծելու հարցերում` իրենց կայուն գործունեությունն ապահովելու նպատակով.
-
արդյունավետորեն մասնակցել պետական-մասնավոր երկխոսության (ՊՄԵ) հարթակներին (քաղաքական շահերի պաշտպանություն և լոբբիստական գործունեություն)՝ ուղղված բիզնեսի և ներդրումային միջավայրի բարելավմանը:
Առաջարկները պետք է պարունակեն հետևյալ գործունեությունները՝
- գործարար մասնակցության կազմակերպությունների կարողությունների հզորացում (անդամներին և ընկերություններին ավելի շատ ու ավելի լավ ծառայությունների մատուցում, իրենց մասնակցության ընդլայնմանն ուղղված աշխատանքներ, ոլորտի կոնկրետ աշխատանքային խմբերի ստեղծում, ՓՄՁ-ների և ձեռնարկատերերի համար անվճար իրավաբանական խորհրդատվության տրամադրում կամ դրա արդիականացում).
- մասնակցություն ՊՄԵ հարթակներում (մասնավոր հատվածի կարիքների ներկայացման նախապատրաստում, ապացույցների վրա հիմնված քաղաքական շահերի պաշտպանություն):
Մրցույթի հրավերի ընդհանուր առավելագույն բյուջեն կազմում է 200000 եվրո: Մեկ առաջարկի առավելագույն գումարը կազմում է 100000 եվրո:
Առաջարկները պետք է տպագիր տարբերակով ներկայացվեն SMEDA-ի գրասենյակ (Պռոշյան 12, Երևան) մինչև 2017 թ. նոյեմբերի 10-ը, ժ. 16: 00-ը:
Հոկտեմբերի 16-ին ժամը 15:30-ին SMEDA-ի գրասենյակում կկազմակերպվի Տեղեկատվության օր (Պռոշյան 12, Երևան): Մասնակցելու համար գրանցվեք հետևյալ էլեկտրոնային փոստի միջոցով՝ info@smeda.am
EU4Business-ի SMEDA ծրագիրն աջակցում է գործարարության և ներդրումային միջավայրի բարելավմանը Հայաստանի ՓՄՁ-ների համար: Այն նպատակ ունի ամրապնդելու մասնավոր հատվածը, աջակցելու ՓՄՁ-ի համակարգման մեխանիզմներին և խթանելու հետազոտական հաստատությունների ու մասնավոր հատվածի միջև կապերը, ինչպես նաև ապահովելու ֆինանսական միջոցների հասանելիություն ՓՄՁ-ների համար:
SMEDA-ի հնարավորությունների էջ
