2019 թ.-ի հունվարի 19-ին հաջողությամբ անցկացվեց Եվրոպական միության կողմից ֆինանսավորվող Հայաստանի ստարտափ ակադեմիայի երրորդ սերնդի շրջանավարտ ստարտափների ցուցադրական օրը:
Ցուցադրական օրվա ընթացքում 12 ստարտափների հիմնադիրները, որոնք ընդգրկված են եղել Հայաստանի ստարտափ ակադեմիայի 12 շաբաթյա նախաաքսելերացիոն ծրագրի երրորդ փուլի մեջ, ներկայացրին իրենց ընկերությունները և իրենց արտադրանքներն ու լուծումները շահագրգիռ հանրությանը, կիսվեցին Ակադեմիայում ստացած իրենց գիտելիքներով և իրենց ապագա ծրագրերով: Ծրագրերի ներկայացումը նպատակաուղղված էր պոտենցիալ ներդրողներ և շահագրգիռ բիզնես գործընկերներ գտնելուն:
ՀՍԱ-ի շրջանավարտների 3-րդ սերնդի մեջ մտնում են հետևյալ ընկերությունները․
IMPEL-H1 Heart Monitoring System - ալգորիթմների կազմ, որը բարելավում է սրտի զարկերի հայտնաբերման ճշգրտությունը մինչև 99,9%:
Illuria security - կիբեր խաբեության ավտոմատացման և սպառնալիքների հետախուզության տեխնոլոգիա, որը նվազեցնում է ռիսկերը՝ հայտնաբերելով և հետևելով վնասարար գործողություններին:
Risksensor - ֆինանսական ռիսկի կառավարման համապարփակ գործիքակազմ, որը հիմնված է արհեստական բանականության և մեծ ծավալով տվյալների տեխնոլոգիաների վրա, և նախատեսված է մանրածախ առևտրով զբաղվող սպեկուլյատիվ եկամուտ վաստակող ընկերությունների համար:
Robin by Expper Technologies - բիզնեսի օգնական ռոբոտ, որն աշխատում է ՀՈՒ-ով և թույլ է տալիս արագ վերլուծել և աջակցել հաճախորդների հետ խոսակցություններին իրական ժամանակով:
EasyDMARC - DMARC-ի տեղակայման, հաշվետվության և զգուշացման ամենախելացի և ամենաարդյունավետ ծառայությունը, որը վստահելի է դարձնում ձեր ուղարկած էլ․ նամակները և առավելացնում ձեր տիրույթի ու էլեկտրոնային նամակների անվտանգությունը:
RetentionForce - մարքեթինգային ավտոմատացման և հաճախորդների սպասարկման գործիքակազմ, որը հատուկ մշակված է գեղեցկության սրահի կարիքների համար:
AnteoHealth - առողջապահական թվային հարթակ, որը կօգնի առողջապահության մասնագետներին ստեղծել և խթանել թիրախային վարքագծի փոփոխությունը և բուժման ծրագրերը տեխնոլոգիաների միջոցով:
Puzl - արհեստական բանականության գործառույթներ մանրածախ ռոբոտների համար, որոնք ավտոմատացնում են ապրանքների տեսակավորումը:
Petto - արհեստական բանականության օգնական, որը կապ է ստեղծում մարդու և տնային բույսերի միջև, ինչը թույլ է տալիս բույսերին բջջային հավելվածի միջոցով հաղորդագրություններ և ծանուցումներ ուղարկել բույսերի տիրոջը:
Zoomerang - ֆոնային երաժշտությամբ օժանդակվող, հատուկ էֆեկտներ օգտագործող տեսագրության հարթակ:
DoHirus - հարթակ, որը թույլ է տալիս մարդկանց կարճաժամկետ աշխատանքներ/առաջադրանքներ տեղադրել՝ որոշակի գնով և ամսաթվի ընթացքում, և հնարավորություն է տալիս, որ այլ մարդիկ ընդունեն և կատարեն այդ առաջադրանքը:
CryptoNDX - հարթակ, որը համապարփակ տեղեկատվություն է տրամադրում բլոկ-շղթաների և կրիպտո բորսաների մասին:
Հայաստանի ստարտափ ակադեմիան (ՀՍԱ) 12 շաբաթյա նախաաքսելերացիոն ծրագիր է հայաստանյան կոնկրետ տեխնոլոգիական ընկերությունների և ստարտափների համար, որն առաջնորդում է նրանց պոտենցիալ հաճախորդների ձեռքբերման գործընթացի ընթացքում՝ օգտագործելով կատարելագործված հսկողության մեթոդաբանություններ և գործիքներ՝ նոր շուկաներ մուտք գործելու և դրանցում իրենց գործունեությունն ընդլայնելու համար: Այն Catalyst հիմնադրամի ծրագիր է, որն իրականացվում է EU4Business-ի «Աջակցություն ՓՄՁ զարգացմանը Հայաստանում» (EU-SMEDA) ծրագրի շրջանակներում և համաֆինանսավորվում է Եվրոպական միության ու Գերմանիայի տնտեսական համագործակցության և զարգացման դաշնային նախարարության (BMZ) կողմից:
EU4Business-ի SMEDA ծրագիրն աջակցում է գործարարության և ներդրումային միջավայրի բարելավմանը Հայաստանի ՓՄՁ-ների համար: Այն նպատակ ունի ամրապնդելու մասնավոր հատվածը, աջակցելու ՓՄՁ-ի համակարգման մեխանիզմներին և խթանելու հետազոտական հաստատությունների ու մասնավոր հատվածի միջև կապերը, ինչպես նաև ապահովելու ֆինանսական միջոցների հասանելիություն ՓՄՁ-ների համար:
