Մայիսի 20-21-ը Երևանում կայացած երկօրյա աշխատաժողովի ընթացքում հայ ձեռնարկատերերը ծանոթացան մրգերի չորացման ոլորտի նոր տեխնոլոգիաներին և միտումներին: Դասընթացը կազմակերպել էր Առևտրի միջազգային կենտրոնի «Առևտրի համար պատրաստ» ծրագիրը, որը ֆինանսավորվում է Եվրոպական միության կողմից՝ EU4Business նախաձեռնության շրջանակներում։
Դասընթացի նպատակն էր Հայաստանի չորամրգեր արտադրողներին ներկայացնել մրգերի մշակման ժամանակակից մեթոդները՝ չորացումից առաջ և հետո, չորացման տարբեր տեխնոլոգիաները, փաթեթավորումը և նոր արտադրանքի մշակումը: Դասընթացի տեսական մասին հաջորդեցին գործնական պարապմունքներ, որոնք անցկացվեցին «Առևտրի համար պատրաստ» ծրագրի շահառու ընկերություններից մեկի՝ Ագրոլոգի արտադրամասում:
Եվրոպական միությունը մեծ շուկա է հայաստանյան միրգ արտադրողների համար: Դասընթացին հաճախելուց հետո ձեռնարկատերերը կկարողանան զարգացնել իրենց տեխնոլոգիաներն ու հմտությունները՝ ԵՄ-ի սպառողների պահանջներին ավելի լավ համապատասխանելու համար:
Ընդհանուր առմամբ, դասընթացին մասնակցեցին չորամրգեր արտադրող վեց ընկերություններ, որոնք «Առևտրի համար պատրաստ» ծրագրի շահառուներ են, ինչպես նաև չորամրգերի տեխնոլոգներ և Հայաստանի գործարարության աջակցության կազմակերպությունների ու ասոցիացիաների ներկայացուցիչներ: Դասընթացին ներկա էին նաև չորամրգեր արտադրող վրաստանյան ընկերությունների ներկայացուցիչներ։
«Առևտրի համար պատրաստ» ծրագիրը մեկնարկել է ԱՄԿ-ի կողմից, որը ֆինանսավորվում է Եվրոպական միության EU4Business նախաձեռնության շրջանակներում և համագործակցում է Ադրբեջանի, Բելառուսի, Հայաստանի, Մոլդովայի, Վրաստանի և Ուկրաինայի ՓՄՁ-ների հետ՝ օգնելու նրանց թիրախավորել և մուտք գործել օտարերկրյա շուկաներ՝ հատկապես կենտրոնանալով Եվրոպական միության վրա:
