ԵՄ-ի կողմից ֆինանսավորվող «Տարածաշրջանային ՓՄՁ-ների մրցունակության խթանում» ծրագիրը Հայաստանում կազմակերպում է մի շարք դասընթացներ ՓՄՁ-ների համար սննդամթերքի վերամշակման և զբոսաշրջության ոլորտների վերաբերյալ՝ Լոռու, Սյունիքի ու Արմավիրի մարզերում:
Դասընթացները կմեկնարկեն 2018 թվականի հուլիսից, և յուրաքանչյուր դասընթացը կտևի 15 ժամ՝ 3 օրվա ընթացքում:
Մասնակցելով դասընթացներին՝ ստարտափները և գործող ՓՄՁ-ները կբարելավեն իրենց ձեռնարկատիրական հմտությունները և գիտելիքներ կստանան սննդամթերքի անվտանգության և «Վտանգների վերլուծության և հսկման կրիտիկական կետերի» սկզբունքների, չրերի և բանջարեղենի արտադրության մասին և կձևավորեն համապատասխան բիզնես հմտություններ:
Զբոսաշրջության ոլորտի ՓՄՁ-ները ձեռք կբերեն հաճախորդների սպասարկման կառավարման և հյուրընկալության ոլորտի մասնագիտական գիտելիքներ և համապատասխան գործնական հմտություններ:
Դասընթացները կանցկացվեն փորձառու մասնագետների կողմից՝ գերազանցապես ինտերակտիվ մեթոդներով՝ ներառյալ խմբային քննարկումները, դերային խաղերը և դեպքերի ուսումնասիրությունները, ինչպես իրենց գիտելիքների փոխանակման ձևով՝ մասնակիցների ձեռնարկատիրական հմտությունները բարելավելու նպատակով:
Հետևյալ դասընթացները կանցկացվեն հետևյալ քաղաքներում՝
Քաղաք Երևան
1. Սննդամթերքի անվտանգություն և «Վտանգների վերլուծության և հսկման կրիտիկական կետերի» սկզբունքներ
2․ Թվային մարկետինգ:
Լոռու մարզ, ք. Վանաձոր, ք. Ալավերդի
1. Վաճառք և մարկետինգ
2. Հյուրընկալության կառավարում
Արմավիրի մարզ, ք. Արմավիր
1. Վաճառք և մարկետինգ
2. Սննդամթերքի անվտանգություն և «Վտանգների վերլուծության և հսկման կրիտիկական կետերի» սկզբունքներ
Սյունիքի մարզ, ք. Գորիս
1. Հյուրընկալության կառավարում
2. Վաճառք և մարկետինգ
Սեղմեք այստեղ ամբողջական տեղեկատվության և գրանցման համար անհրաժեշտ կոնտակտային տվյալների համար:
EU4Business-ի «Տարածաշրջանային ՓՄՁ-ների մրցունակության խթանում» ծրագիրն իրականացվում է Հայաստանի փոքր և միջին ձեռնարկատիրության զարգացման ազգային կենտրոնի (ՓՄՁ ԶԱԿ), Արմավիրի զարգացման կենտրոնի, Ռազմավարական զարգացման գործակալության, «Սպիտակ-Ֆերմեր» և «Սյուն» ՀԿ-ների կողմից: Ծրագրի ընդհանուր նպատակն է խթանել տարածաշրջանային ՓՄՁ-ների մրցունակությունը և ստեղծել կայուն զբաղվածության հնարավորություններ Հայաստանի Լոռու, Սյունիքի և Արմավիրի մարզերում:
