Ձեռնարկությունների ամրապնդմանը, թվային տնտեսությունների զարգացմանը և Եվրոպական միության ու նրա Արևելյան գործընկեր երկրների ձեռնարկատերերի միջև կապերի հաստատմանը վերաբերող հարցերը լինելու են 2017թ. հոկտեմբերի 26-ից 27-ը Էստոնիայում կայանալիք Արևելյան գործընկերության (ԱլԳ) 4-րդ Բիզնես ֆորումի քննարկումների առանցքում:
Միջոցառումը համախմբելու է ավելի քան 450 բիզնես առաջնորդների, քաղաքական գործիչների ու պետական պաշտոնատար անձանց Հայաստանից, Ադրբեջանից, Բելառուսից, Վրաստանից, Մոլդովայից, Ուկրաինայից և ԵՄ անդամ երկրներից: Ֆորումը առանցքային կարևորության միջոցառում է, որն անցկացվում է ընթացիկ տարվա նոյեմբերի 24-ին Բրյուսելում կայանալիք ԱլԳ 5-րդ գագաթաժողովին նախապատրաստվելու նպատակով:
Հայաստանում Եվրամիությունը «ԵՄ-ն հանուն բիզնեսի» նախաձեռնության միջոցով աջակցում է տեղի ընկերություններին՝ հետևյալ ուղղություններով.
- Ֆինանսավորում.
- Վերապատրաստում.
- Դեպի նոր շուկաներ արտահանման աջակցություն:
2009թ.-ից ի վեր հայաստանյան 25.000 ընկերության տրամադրվել Է, ընդհանուր առմամբ, 268 միլիարդ ՀՀ դրամի (473 միլիոն եվրո) աջակցություն:
ԵՄ աջակցության ո՞ր տեսակներն են հասանելի հայկական բիզնեսների համար
- Ֆինանսավորման ավելի մեծ հասանելիություն
- Վարկերի տրամադրում կանանց կողմից ղեկավարվող բիզնեսներին
- Միկրո վարկերի տրամադրում փոքր ձեռնարկություն ստեղծելու կամ զարգացնելու համար
- Դրամաշնորհների տրամադրում նորարարական և բարձր տեխնոլոգիական սթարթափերին
- Գործարար հմտությունների ամրապնդում
- Անհատական խորհրդատվական ծառայությունների և տեխնիկական աջակցության տրամադրում ընկերություններին՝ մարդկային ռեսուրսների, տեղեկատվական տեխնոլոգիաների, կառավարման կառուցվածքների, բիզնես մոդելների և այլնի վերաբերյալ
- Վերապատրաստական ծրագրեր՝ առանցքային բնագավառներում ձեռնարկատերերի հմտությունների բարելավման նպատակով
- Անհատական վերապատրաստում և մենթորություն կին ձեռնարկատերերի համար
- Աջակցություն քաղաքացիական հասարակության կազմակերպություններին՝ սոցիալական ձեռնարկատիրության միջոցով եկամուտ գեներացնելու նպատակով
- Նոր շուկաներ մուտք գործելու ավելի լավ հնարավորություններ
- Արտահանման ուղղվածություն ունեցող ընկերությունների համար գործարար խորհրդատվության տրամադրում և վերապատրաստում
Ովքե՞ր են արդեն իսկ օգտվել:
- «Ինգրեդիենտ» սրճարանն ԵՄ-ից դրամաշնորհ է ստացել՝ նոր կայքէջ ստեղծելու նպատակով: Նոր կայքէջն ավելացրել է հաճախորդների քանակը 80 տոկոսով: Այժմ սրճարանն ապահովում է 12 մարդու զբաղվածություն: Լրացուցիչ տեղեկատվություն:
- «Սմարթ Քընսթրաքշըն» ընկերությունն իր բիզնեսի ավելի լավ կառավարման համար ՏՏ համակարգ մշակելու նպատակով ֆինանսավորում է ստացել ԵՄ-ից: Արդյունքում, «Սմարթ Քընսթրաքշըն» ընկերությունն ավելացրել է իր շրջանառությունը 123 տոկոսով: Լրացուցիչ տեղեկատվություն:
- «Լեվարթ’ս» սննդի, պիցցայի և սենդվիչների խանութը (Levart’s Food, Pizza and Sandwich Shop) վարկ է ստացել ԵՄ-ից՝ իր գործունեության տարածքների ընդլայնման նպատակով: Այժմ երկու վայրում ձեռնարկության շրջանառությունը կրկնապատկվել է, և ևս 4 մարդ ապահովվել է աշխատանքով: Լրացուցիչ տեղեկատվություն:
Ցանկանու՞մ եք իմանալ ավելին
Իմացե´ք, թե ինչն է հասանելի՝ www.eu4business.eu/am
Հայաստանում այժմ գործում է «ԵՄ-ն հանուն բիզնեսի» նախաձեռնության հեռախոսահամարը՝ +374 55 10 80 40
ԵՄ-ն հայաստանյան ընկերություններին աջակցում է «ԵՄ-ն հանուն բիզնեսի» նախաձեռնության միջոցով և գործակցում է Վերակառուցման և զարգացման եվրոպական բանկի (EBRD), Եվրոպական ներդրումային բանկի (EIB), Վերականգնման վարկերի բանկի (KfW), Գերմանիայի միջազգային համագործակցության ընկերության (GIZ), Առևտրի միջազգային կենտրոնի, Միջմշակութային ուսումնասիրությունների, ուսուցման և երկխոսության միջազգային կենտրոնի, Եվրոպական առևտրաարդյունաբերական պալատների ասոցիացիայի (EUROCHAMBRES), Արհեստների, փոքր և միջին ձեռնարկությունների եվրոպական ասոցիացիայի (UEAPME), Տնտեսական համագործակցության և զարգացման կազմակերպության (OECD), Համաշխարհային բանկի և Հայաստանում Եվրոպական բիզնես ասոցիացիայի հետ:
