You are using an outdated browser. Please upgrade your browser to improve your experience.
ՍԿԻԶԲ

EU4Business նախաձեռնության շրջանակներում Արևելյան գործընկերության տարածաշրջանում մասնավոր հատվածի զարգացմանն աջակցելու նպատակով Հայաստանի հյուսիսային շրջաններում տեքստիլ ոլորտի ՓՄՁ-ների համար անցկացվել են մի շարք դասընթացներ:

Դասընթացները կազմակերպվել էին Գեղարքունիքի, Շիրակի և Լոռու մարզերի առևտրաարդյունաբերական պալատների կողմից իրականացվող «Տեքստիլ արդյունաբերություն Հայաստանի հյուսիսային շրջանների կայուն տնտեսական զարգացման համար» ծրագրի կողմից՝ EU-SMEDA նախագծի կողմից տրամադրված նպատակային դրամաշնորհի միջոցով:

Միջոցառումների շարքում անց է կացվել բիզնես պլանավորման դասընթաց Գյումրիում՝ Հայաստանի երկրորդ խոշորագույն քաղաքում: Դասընթացի վերջնական փուլը տեղի ունեցավ սեպտեմբերի 26-ին, երբ մասնակիցները՝ բոլորը տեքստիլ արդյունաբերության ոլորտում ինքնազբաղված անձինք, ներկայացրին իրենց արտադրանքները և բիզնես պլանները, որոնք մշակել էին մեկշաբաթյա դասընթացի ընթացքում:

Յուրաքանչյուր մասնակից հանդես եկավ նմանատիպ ձեռնարկությունների, շուկայական միտումների, գների, մրցունակության և շուկայի վիճակագրության և այլ չափորոշիչների գնահատմամբ, որն ուսումնասիրել էին դասընթացի ընթացքում: Եզրափակելով իրենց հմտությունները՝ նրանք մշակեցին մարքեթինգային ռազմավարություն և գնահատեցին հետագա ընդլայնման համար անհրաժեշտ ներդրումները (օրինակ՝ ջուլհակության դազգահները, արտադրության համար պահանջվող լրացուցիչ գումարը և այլն):

Նմանատիպ դասընթաց տեղի էր ունեցել մեկ ամիս առաջ Վանաձորում, որը նպատակաուղղված էր տեղական ՓՄՁ-ներին և տեքստիլ արդյունաբերության ոլորտում գործող անհատներին: Նրանցից չորս լավագույն ձեռնարկատերերը պարգևատրվեցին GCCI-ի կողմից փոքր դրամաշնորհներով, որպեսզի կյանքի կոչեն իրենց բիզնես ծրագրերը:

Դասընթացներ են կազմակերպվել նաև Վանաձորի «Գլորիա» կարի ֆաբրիկայում գործազուրկ կանանց մի փոքր խմբի համար, ովքեր ցանկանում էին տիրապետել կարի տեխնիկային (տես դասընթացը՝ տեսանյութ):

Դասընթացի շրջանակներում Գյումրու տեխնիկական քոլեջը ներկայացրել է ուսումնական ծրագիր՝ կարի ուսուցման եռամսյա դասընթացի համար: Ձեռք է բերվել նախնական պայմանավորվածություն LENTEX տեքստիլ ընկերության և Գյումրու տեխնիկական քոլեջի միջև՝ դասընթացի լավագույն շրջանավարտների համար աշխատատեղեր ապահովելու համար:

 EU4Business-ի SMEDA ծրագիրն աջակցում է գործարարության և ներդրումային միջավայրի բարելավմանը Հայաստանի ՓՄՁ-ների համար: Այն նպատակ ունի ամրապնդելու մասնավոր հատվածը, աջակցելու ՓՄՁ-ի համակարգման մեխանիզմներին և խթանելու հետազոտական հաստատությունների ու մասնավոր հատվածի միջև կապերը, ինչպես նաև ապահովելու ֆինանսական միջոցների հասանելիություն ՓՄՁ-ների համար: 

Ամենավերջինը Նորություններ
am
23.01.2024
Ի տարբերություն խոշոր քաղաքային կենտրոնների, Հայաստանի գյուղական բնակավայրերում կանանց առաջարկվող աշխատատեղերի պակաս կա՝ անկախ նրանց տարիքից: Շիրակի մարզը ասվածի վառ օրինակներից է․ այստեղ կանանց գործազրկության մակարդակը շարունակում է բարձր մնալ։
am
04.12.2023
Հայաստանյան առաջատար բանկը Վերակառուցման եւ զարգացման եվրոպական բանկից (ՎԶԵԲ) կստանա երկու հավասար վարկերից բաղկացած 20 մլն. ԱՄՆ դոլարի չափով ֆինանսավորում՝ մասնավոր հատվածի վերավարկավորման նպատակով։
am
01.12.2023
Վերակառուցման եւ զարգացման եվրոպական բանկը (ՎԶԵԲ) հայտարարել է Եվրոպական միության եւ Շվեդիայի աջակցությամբ Ակբա բանկին նոր միջոցների տրամադրման մասին։

Քուքիներ
Այս կայքն օգտագործում է թխուկներ՝ ձեզ առաջարկելով կայքը թերթելու ավելի լավ հնարավորություններ: Կարդալ ավելին
Ես մերժում եմ թխուկները
Ես ընդունում եմ թխուկները