You are using an outdated browser. Please upgrade your browser to improve your experience.
ՍԿԻԶԲ

Ս․թ․ փետրվարի 26-ից մարտի 6-ը ավելի քան 50 հայաստանյան ընկերություններ բարելավեցին գիտելիքները արտահանման համար գնային ռազմավարության մշակման վերաբերյալ։ Առցանց դասընթացի կազմակերպիչն էր Միջազգային առևտրի կենտրոնը Զարգացող երկրներից ներմուծման խթանման կենտրոնի (CBI) հետ համատեղ։  Դասընթացը տեղի ունեցավ «Արևելյան Գործընկերություն, առևտրի համար պատրաստ․ EU4Business-ի նախաձեռնություն» ծրագրի շրջանակում, որն իրականացնում է Միջազգային առևտրի կենտրոնը Եվրոպական միության աջակցությամբ։

Դասընթացի նպատակն է օգնել մասնակից ընկերություններին արտահանման համար արդյունավետ գնային քաղաքականություն մշակել՝ հաշվի առնելով միջազգային շուկաներում ՔՈՎԻԴ-19 ճգնաժամով պայմանավորված փոփոխություններն ու ռիսկերը։ Դասընթացին կհաջորդեն անհատական խորհրդատվություններ ընտրված փոքր և միջին ձեռնարկությունների համար։ 

«Դասընթացի արդյունքում ընկերությունները կկարողանան ՔՈՎԻԴ-19 ճգնաժամի պայմաններում առավել ճկուն և թիրախավորված գնային ռազմավարություն մշակել, ինչը երկարաժամկետ առումով կնպաստի հայկական արտադրանքի ներկայացվածությանը միջազգային՝ հատկապես Եվրոպական միության շուկաներում։ Մասնավորապես, մասնակից ձեռնարկությունները բարելավեցին գիտելիքները գնային սեգմենտավորման, ինքնարժեքի հաշվարկման, հաղորդակցության ու վաճառքի ուղիների գրագետ օգտագործման վերաբերյալ, ինչի արդյունքում կկարողանան առավել արդյունավետ ներկայացնել և արտահանել իրենց արտադրանքը», - նշել է Արևելյան գործընկերություն, առևտրի համար պատրաստ. EU4Business-ի նախաձեռնության հայաստանյան ծրագրի ղեկավար Կարեն Գևորգյանը։

Դասընթացը վարեց Զարգացող երկրներից ներմուծման խթանման կենտրոնի փորձագետ Ռեինդերթ Դեքերը, ով աշխատել է միջազգային խոշոր կազմակերպությունների՝ այդ թվում Համաշխարհային բանկի, ՄԱԿ-ի Առևտրի և զարգացման համաժողովի (ՅՈՒՆԿԹԱԴ) համար։ Պարոն Դեքերը արտահանման կառավարման և շուկայի զարգացման վերաբերյալ խորհրդատվություններ է տրամադրել բազմաթիվ ՓՄՁ-ների Արևելյան Եվրոպայից, Լատինական Ամերիկայից և Հարավարևելյան Ասիայից։  

«Առևտրի համար պատրաստ» ծրագիրն աջակցում է Հայաստանի և Արևելյան գործընկերության այլ երկրների փոքր և միջին ձեռնարկություններին մուտք գործել նոր շուկաներ հատկապես Եվրոպական միության երկրներում:  Հայաստանում ծրագիրը հիմնականում աջակցում է ագրովերամշակման ոլորտին՝ չորացրած մրգերի և բանջարեղենի, խոտաբույսերի ու թեյերի, ինչպես նաև պահածոների արտադրությամբ զբաղվող փոքր և միջին ձեռնարկություններին։  

Ամենավերջինը Նորություններ
am
01.10.2021
Վերակառուցման և զարգացման եվրոպական բանկը (ՎԶԵԲ) 5 մլն ԱՄՆ դոլարի չափով ֆինանսական փաթեթ է տրամադրում Ինեկոբանկին՝ նպաստելու Հայաստանում մասնավոր հատվածի անցմանը դեպի ավելի կայուն, ցածր ածխածնային և կլիմայակայուն գործելակերպերի։
am az by ge md ua
20.09.2021
2020 թվականի սկզբին COVID-19-ի բռնկումից ի վեր ԵՄ-ն, նրա անդամ պետությունները և եվրոպական ֆինանսական հաստատությունները՝ ի դեմս «Թիմ Եվրոպա» նախաձեռնության, 34 միլիարդ եվրո են հատկացրել գործընկեր երկրներին՝ համավարակի դեմ պայքարի և դրա հետևանքների հաղթահարման համար՝ կատարելով կոնկրետ արդյունքներ ապահովելու մասին իրենց խոստումները։
am
07.09.2021
ԵՄ-ի տրամադրության տակ առկա են մի քանի գործիքներ, որոնք ուղղված են Արևելյան գործընկերության շրջանակներում ՓՄՁ-ներին աջակցելուն։ Դրանց վերջերս ավելացել է նաև Բաժնեմասնակցային ներդրումների գործիքը՝ Ֆինանսավորման հասանելիության (A2F) շրջանակներում։

Քուքիներ
Այս կայքն օգտագործում է թխուկներ՝ ձեզ առաջարկելով կայքը թերթելու ավելի լավ հնարավորություններ: Կարդալ ավելին
Ես մերժում եմ թխուկները
Ես ընդունում եմ թխուկները