You are using an outdated browser. Please upgrade your browser to improve your experience.
ՍԿԻԶԲ

Հուլիսի 1-ին Հայաստան կատարած երկօրյա այցի շրջանակներում ԳԴՀ տնտեսական համագործակցության և զարգացման նախարար Սվենյա Շուլցեն և նրա գլխավորած պատվիրակությունն այցելել են SAP Startup Factory by Bana։

Այցելության վայրը պատահական չէր ընտրվել։ SAP Startup Factory-ն հիմնվել է համակարգչային ծրագրավորման գերմանական SAP հսկա ընկերության և Business Angel Network Armenia ցանցի համագործակցությամբ «ԵՄ-ն՝ բիզնեսի համար» նախաձեռնության «Նորարարական տուրիզմի և տեխնոլոգիաների զարգացում Հայաստանի համար (ITTD)» ծրագրի աջակցությամբ։ Ծրագիրն իրականացվում է GIZ Հայաստանի կողմից և համաֆինանսավորվում է ԵՄ-ի և Գերմանիայի տնտեսական համագործակցության և զարգացման դաշնային նախարարության (BMZ) կողմից:

Հանդիպման ընթացքում նախարարին և հյուրերին GIZ Հայաստանի ղեկավար Մադլեն Ռաուշենբերգերը և ITTD ծրագրի ղեկավար Վիլհելմ Հուգոն ներկայացրեցին SAP Startup Factory-ին ցուցաբերած աջակցության կարևորությունն ու առանձնահատկությունները։

SAP Startup Factory by BANA-ն չափազանց կարևոր է Հայաստանի տեխնոլոգիական էկոհամակարգի համար: Այն հայկական ստարտափներին ընձեռում է համաշխարհային ասպարեզ դուրս գալու աննախադեպ հնարավորություններ և կարող է դառնալ տարածաշրջանային կենտրոն ԵՄ արևելյան գործընկերության երկրների և ընդհանուր առմամբ Արևելյան Եվրոպայի ստարտափերի՝ SAP հարթակում ինտեգրվելու համար:

Հանդիպման ընթացքում աքսելերացիոն և ինկուբացիոն ծրագրի մասնակիցներ TACTUN, GOTCHA և Prelaunch.com-ը հնարավորություն ունեցան ներկայացնել իրենց ստարտափերը, որից հետո տեղի ունեցավ ակտիվ քննարկում ստարտափերի արտադրանքի ու դրանց՝ եվրոպական շուկա մուտք գործելու հնարավորությունների մասին։

Հանդիպումն անցավ ջերմ մթնոլորտում, որի ավարտին նախարարը շնորհակալություն հայտնեց հաճելի ընդունելության համար՝ բոլորին մաղթելով նորանոր ձեռքբերումներ ապագայում։

Ամենավերջինը Նորություններ
am az by ge md ua
17.10.2022
Վերակառուցման և զարգացման եվրոպական բանկն (ՎԶԵԲ) ու Եվրոպական միությունը մեծացնում են իրենց աջակցությունը արևելաեվրոպական, կովկասյան և Միջերկրական ծովի հարավային և արևելյան տարածաշրջանների երկրներում գործող թերսպասարկվող միկրո, փոքր և միջին ձեռնարկություններին (ՄՓՄՁ): Նշված երկրների թվում են Հայաստանը, Ադրբեջանը, Վրաստանը, Մոլդովան և Ուկրաինան։
am
12.10.2022
Հարավարևելյան Եվրոպայի եվրոպական հիմնադրամը (EFSE) հինգ տարի մարման ժամկետով $10 միլիոն է տրամադրել ԱրարատԲանկին՝ ֆինանսավորելու Հայաստանի միկրո, փոքր և միջին ձեռնարկություններին (ՄՓՄՁ)։
am
05.10.2022
Հարավարևելյան Եվրոպայի եվրոպական հիմնադրամի Զարգացման մեխանիզմը (EFSE DF) կաջակցի Հայաստանում գործող SmartGateVC վենչուրային կապիտալի հիմնադրամին՝ վաղ փուլում գտնվող ստարտափների և հետազոտություններով ու մշակումներով (R&D) զբաղվող ընկերությունների ֆինանսավորման նոր մոդելի ներդրման գործում:

Քուքիներ
Այս կայքն օգտագործում է թխուկներ՝ ձեզ առաջարկելով կայքը թերթելու ավելի լավ հնարավորություններ: Կարդալ ավելին
Ես մերժում եմ թխուկները
Ես ընդունում եմ թխուկները