You are using an outdated browser. Please upgrade your browser to improve your experience.
ՍԿԻԶԲ

Արևելյան գործընկերության բոլոր վեց երկրները Տնտեսական համագործակցության և զարգացման կազմակերպության (ՏՀԶԿ) Եվրասիայի տարածաշրջանի անդամներ են և, որպես այդպիսիք, մասնակցել են ՏՀԶԿ Եվրասիական 3-րդ շաբաթին, որը տեղի է ունեցել Փարիզում՝ նոյեմբերի 22-24-ը: Նրանք բոլորը նաև ՏՀԶԿ Եվրասիական մրցունակության ծրագրի կլոր սեղանի անդամներ են և հանդիպել են նաև փարիզյան շաբաթվա ընթացքում, որը նրանց տնտեսություններն ամրապնդելու համար իրականացված բարեփոխումների առաջընթացի ցուցիչն է:

2000-2015 թթ. ժամանակահատվածում մեկ շնչին բաժին ընկնող համախառն ներքին արդյունքը (ՀՆԱ) ավելի քան կրկնապատկվել է Եվրասիայի տարածաշրջանում, որը ներառում է EU4Business ծրագրում ընդգրկված Արևելյան գործընկերության վեց երկրները, իսկ բարեփոխումների առաջընթացի մասով՝ Համաշխարհային բանկի «Բիզնեսի վարում» վերջին զեկույցում մեծ թվով եվրասիական երկրներ առանձնացվել են լավագույնների շարքում: Սա այն դրական նոտան է, որից ՏՀԶԿ-ի գլխավոր քարտուղար Անխել Գուրիան սկսեց իր ուղերձը նոյեմբերի 22-ին Փարիզում կայացած ՏՀԶԿ Եվրասիական 3-րդ շաբաթի բացման ժամանակ:

«Տարածաշրջանի բոլոր երկրներն այս տարի իրականացրել են բիզնեսի կանոնակարգման բարեփոխումներ, իսկ դրանցից երեքը առավելագույն բարեփոխումներ գրանցած տասը երկրների շարքում են»,- նշեց պրն Գուրիան: «Բացի այդ, չնայած իրենց նշանակալի բազմազանությանը, Եվրասիայի երկրներն օգտվում են կարևոր մրցակցային առավելություններից, ներառյալ հարևանությունը խոշոր շուկաներին, գրեթե համընդհանուր գրագիտությունը և, նրանցից մի քանիսի դեպքում, բնական ռեսուրսների առատությունը»,- ավելացրեց նա:

Սակայն դեռևս շատ բան կա անելու՝ այն «զգալի և մշտական ցնցումները» հաղթահարելու համար, որոնց ենթարկվում են երկրները, ինչպիսիք են հումքային ապրանքների գների անկումը և դանդաղ աճը Ռուսաստանում ու Չինաստանում: «Դրամական փոխանցումների հոսքերը, որոնք շարունակում են կարևոր լինել Եվրասիայի որոշ տնտեսությունների բարգավաճման համար, նույնպես կտրուկ նվազել են, և մենք արժույթների արժեզրկման, ներդրումների դանդաղեցման ու սպառման ցուցանիշների նվազման ականատես ենք եղել տարածաշրջանի մեծ մասում»:

«Բախվելով այսպիսի մարտահրավերների՝ Եվրասիայի շատ երկրներ ստիպված էին կրկնապատկել իրենց ջանքերը կառուցվածքային բարեփոխումների և իրենց զարգացման առանցքային ոլորտներում արդյունավետ և նորարարական քաղաքականությունների խթանումը շարունակելու համար»,- նշեց նա:

«Սակայն վերջին տասնամյակներին,- ավելացրեց նա,- տարածաշրջանը դարձել է համաշխարհային տնտեսությանը շատ ավելի ինտեգրված, և բարեփոխումների գերակայությունների հիմքում եղել է «կապակցվածությունը»՝ «կոշտ կապակցվածություն»՝ ենթակառուցվածքների առումով, բայց նաև «առավել մեղմ կապակցվածություն»՝ բաց առևտրային քաղաքականության և առավել հեշտացված սահմանային ֆորմալ ընթացակարգերի իմաստով: «Առավել բարձր մրցունակությունը, աշխատաշուկայի բարեփոխումները և էկոլոգիապես մաքուր տնտեսությունը այն ոլորտներն են, որոնք ավելի կկարևորվեն տարածաշրջանն առավել կապակցված դառնալու հետ մեկտեղ»,- նշեց պրն Գուրիան:

Մրցունակության ծրագրի կլոր սեղանը ստեղծվել է 2013 թվականին՝ որպես ՏՀԶԿ անդամների և Եվրասիայի գործընկեր երկրների միջև միացյալ հարթակ՝ ՏՀԶԿ Եվրասիական մրցունակության ծրագրի շրջանակներում փորձագիտական դիտարկումներ անցկացնելու համար:

ՏՀԶԿ Եվրասիական շաբաթվա ընթացքում Բելառուսի հերթն էր՝ «փորձագիտական գնահատման» ներկայացնելու գործարարության զարգացման ծառայությունների կայուն շուկայի միջոցով ՓՄՁ կարողություններն ամրապնդելուն ուղղված իր վերջին բարեփոխումները: Ավելին՝ ՓՄՁ-ների համար ֆինանսական միջոցների և գործարարության զարգացման ծառայությունների մատչելիությունը բարելավելուն ուղղված Մոլդովայի ջանքերը ենթարկվեցին ՏՀԶԿ փորձագետների «դիտանցմանը», որն իրենից ներկայացնում է սկզբնական ուսումնասիրությունից և առաջարկություններից երեք տարի անց արձանագրված առաջընթացի վերաքննում:

Ամենավերջինը Նորություններ
am
18.03.2024
Եվրոպական միությունը շատ ակտիվ է նոր բիզնեսների զարգացմանն աջակցելու հարցում, մասնավորապես՝ կանանց շրջանում, եւ առավել եւս՝ ՀՀ մարզերում: Այնպես որ, մի կարծիր, թե անպայման պետք է գտնվես Երեւանում, ունենաս բարձրագույն կրթություն կամ արդեն իսկ հիմնադրված բիզնես՝ ԵՄ կողմից աջակցություն ստանալու համար:
am
23.01.2024
Ի տարբերություն խոշոր քաղաքային կենտրոնների, Հայաստանի գյուղական բնակավայրերում կանանց առաջարկվող աշխատատեղերի պակաս կա՝ անկախ նրանց տարիքից: Շիրակի մարզը ասվածի վառ օրինակներից է․ այստեղ կանանց գործազրկության մակարդակը շարունակում է բարձր մնալ։
am
04.12.2023
Հայաստանյան առաջատար բանկը Վերակառուցման եւ զարգացման եվրոպական բանկից (ՎԶԵԲ) կստանա երկու հավասար վարկերից բաղկացած 20 մլն. ԱՄՆ դոլարի չափով ֆինանսավորում՝ մասնավոր հատվածի վերավարկավորման նպատակով։

Քուքիներ
Այս կայքն օգտագործում է թխուկներ՝ ձեզ առաջարկելով կայքը թերթելու ավելի լավ հնարավորություններ: Կարդալ ավելին
Ես մերժում եմ թխուկները
Ես ընդունում եմ թխուկները