You are using an outdated browser. Please upgrade your browser to improve your experience.
ՍԿԻԶԲ

21-ը հունիսի, 2017 թ., Կիև

Ադրբեջանի, Բելառուսի, Հայաստանի, Մոլդովայի, Վրաստանի, Ուկրաինայի և ԵՄ անդամ պետությունների գործարարության աջակցման կազմակերպությունների (ԳԱԿ-երի) ավելի քան 100 ներկայացուցիչներ այսօր հավաքվեցին Կիևում՝ մասնակցելու ԵՄ-ի կողմից ֆինանսավորվող East Invest ծրագրի եզրափակիչ համաժողովին: Մասնակիցները քննարկեցին Արևելյան գործընկերության (ԱլԳ) բոլոր երկրներում մասնավոր հատվածի ներգրավվածությունը քաղաքականության մշակման մեջ և ներկայացրին East Invest ծրագրի հաջողության պատմությունները և ձեռքբերումները ողջ տարածաշրջանի ՓՄՁ-ների ու ԳԱԿ-երի համար:

Գործարար ներկայացուցիչները մասնավորապես հաստատեցին տարածաշրջանային դիրքորոշման փաստաթուղթ, որը ներառում էր առաջարկություններ Արևելյան գործընկերության վեց երկրների քաղաքական ղեկավարության և ավելի լայն դոնոր համայնքի համար՝ ուղղված ՓՄՁ-ների ոլորտի գործարար միջավայրի բարելավմանը: Կոնկրետ թեմաները, որոնք շահառուները համարում էին որպես ՓՄՁ-ների գործունեության վրա ամենամեծ ազդեցությունն ունեցող, ներառում էին գործարար միջավայրը, նորարարությունը, ՓՄՁ-ների համար շուկաների հասանելիությունը, ֆինանսավորումն ու հմտությունները, ինչպես նաև հարկային ու մաքսային ընթացակարգերը: Ընդգծվեց այս բոլոր ոլորտներում թվային լուծումների ավելի լայն կիրառումը: Տարածաշրջանային դիրքորոշման փաստաթուղթը կհանդիսանա East Invest 2 ծրագրի գործարար կազմակերպությունների ներդրումը ԱլԳ-ի 4-րդ բիզնես ֆորումին, որը կկայանա Տալլինում 2017 թ. հոկտեմբերին:

Համաժողովի բացման նիստում Եվրոպական հանձնաժողովի Հարևանության և ընդլայնման բանակցությունների գլխավոր տնօրինության ներկայացուցիչ Մեթյու Բուսկեն նշեց. «2010 թ. մեկնարկած East Invest ծրագիրը հաջողությամբ նպաստեց ԵՄ-ի և Արևելյան գործընկերության երկրների մասնավոր հատվածի ներկայացուցիչների լայն ցանցի ստեղծմանն ու հզորացմանը: Այդ ցանցն այսօր հաջողության հասավ՝ մշակելով տարածաշրջանային դիրքորոշման փաստաթուղթ, որի միջոցով համապատասխան կառավարություններին, ինչպես նաև ավելի լայն դոնոր համայնքին, այդ թվում՝ ԵՄ-ին, փոխանցվում են մտահոգություններն ու առաջարկությունները գործարար միջավայրի բարելավման ուղղությամբ: Տնտեսական աճին և մասնավոր հատվածի շուկայական հնարավորությունների ընդլայնմանը նպաստող պայմանների բարելավումը ԵՄ-ի գերակա ուղղությունն է ԱլԳ տարածաշրջանում, ինչպես նշված է Արևելյան գործընկերության գագաթաժողովի վերջին հայտարարագրում և «20 թիրախային արդյունք մինչև 2020 թ.» փաստաթղթում: Մենք վստահ ենք, որ այս դիրքորոշման փաստաթուղթը քաղաքական ղեկավարության համար օգտակար ուղեցույց կդառնա հետագա քայլերի առումով՝ մինչ ԱլԳ-ի հաջորդ բիզնես ֆորումը՝ 2017 թ. աշնանը կայանալիք Արևելյան գործընկերության գագաթաժողովը, ինչպես նաև դրանից հետո»:

Դիրկ Վանտիգհեմը (EUROCHAMBRES) և Լյուկ Հենդրիքսը (UEAPME) հաստատեցին, որ գործարար միջավայրի բարելավումը կենսական նշանակություն ունի ԱլԳ երկրներից յուրաքանչյուրում հզոր մասնավոր հատված ձևավորելու գործում:

Եզրափակելով համաժողովը՝ Ն.Գ. դեսպան, Ուկրաինայում ԵՄ-ի պատվիրակության ղեկավար Հյուգ Մինգարելլին ընդգծեց. «ԵՄ-ի կողմից ֆինանսավորվող East Invest ծրագիրն ԱլԳ տարածաշրջանի գործարարության աջակցման կազմակերպություններին օգնել է կենսունակ միջնորդներ դառնալ ազգային կառավարությունների համար: Մենք կշարունակենք աջակցել EU4Business նախաձեռնության շրջանակներում իրականացվող տարբեր միջոցառումներին՝ ուղղված ողջ տարածաշրջանում գործարար միջավայրի բարելավմանը»:

Հիմնական տեղեկություններ

East Invest 2-ը մեկնարկել է 2014 թ. սեպտեմբերին և հանդիսանում է EU4Business նախաձեռնության շրջանակներում ԵՄ-ի ֆինանսավորմամբ իրականացվող ծրագիր: Ծրագրի ընդհանուր նպատակն է աջակցել նպաստավոր տնտեսական միջավայրի և մրցունակ մասնավոր հատվածի ձևավորմանը Արևելյան գործընկերության (ԱլԳ) երկրներում (Ադրբեջան, Բելառուս, Հայաստան, Մոլդովա, Վրաստան, Ուկրաինա)՝ միաժամանակ խթանելով առևտրային հոսքերը և ներդրումները տարածաշրջանի ներսում և ԵՄ-ի հետ:

East Invest 2 ծրագիրը համագործակցում է Արևելյան գործընկերության վեց երկրների գործարարության աջակցման կազմակերպությունների և ՓՄՁ-ների հետ:

Քաղաքական ղեկավարության համար առաջարկություններ պարունակող Տարածաշրջանային դիրքորոշման փաստաթղթի (ՏԴՓ) մշակման գործընթացը մեկնարկել է East Invest 2 ծրագրի՝ 2016 թ. հոկտեմբերին կայացած տարեկան համաժողովի ընթացքում՝ հիմնվելով այն հայտարարագրի նախագծի վրա, որը մշակվել էր East Invest ծրագրի պետական-մասնավոր երկխոսության (ՊՄԵ) շրջանակներում 2016 թ. հուլիսին Կիևում անցկացված ոչ պաշտոնական նախարարական հանդիպման համար: Գործընթացը շարունակվել է 2016 թ. նոյեմբերից մինչև 2017 թ. մայիսն ընկած ժամանակահատվածում East Invest 2 ծրագրի պետական-մասնավոր երկխոսության գործողությունների միջոցով, որի ընթացքում ՊՄԵ-ի գծով ազգային օժանդակողների և ԵՄ-ի ու ԱլԳ երկրների փորձագետների կողմից աջակցություն է ցուցաբերվել մասնավոր հատվածի մոտավորապես 200 կազմակերպությունների (բիզնես ասոցիացիաների):

Ամենավերջինը Նորություններ
am
23.01.2024
Ի տարբերություն խոշոր քաղաքային կենտրոնների, Հայաստանի գյուղական բնակավայրերում կանանց առաջարկվող աշխատատեղերի պակաս կա՝ անկախ նրանց տարիքից: Շիրակի մարզը ասվածի վառ օրինակներից է․ այստեղ կանանց գործազրկության մակարդակը շարունակում է բարձր մնալ։
am
04.12.2023
Հայաստանյան առաջատար բանկը Վերակառուցման եւ զարգացման եվրոպական բանկից (ՎԶԵԲ) կստանա երկու հավասար վարկերից բաղկացած 20 մլն. ԱՄՆ դոլարի չափով ֆինանսավորում՝ մասնավոր հատվածի վերավարկավորման նպատակով։
am
01.12.2023
Վերակառուցման եւ զարգացման եվրոպական բանկը (ՎԶԵԲ) հայտարարել է Եվրոպական միության եւ Շվեդիայի աջակցությամբ Ակբա բանկին նոր միջոցների տրամադրման մասին։

Քուքիներ
Այս կայքն օգտագործում է թխուկներ՝ ձեզ առաջարկելով կայքը թերթելու ավելի լավ հնարավորություններ: Կարդալ ավելին
Ես մերժում եմ թխուկները
Ես ընդունում եմ թխուկները