Հունիսի 29-ին Վանաձորի տեխնոլոգիական կենտրոնում անցկացված Նորարարության զարգացման համաֆինանսավորվող դրամաշնորհների (ՆԶՀԴ) մրցույթ - ՆԶՀԴ վենչուրային համաժողովի վերջին փուլը հաղթելուց հետո հայաստանյան վեց ստարտափ ընկերություններ մինչև 35000 եվրո նախնական ֆինանսավորում կստանան ԵՄ-SMEAD ծրագրից, որն իրականացվում է EU4Business նախաձեռնության շրջանակներում:
Վերջնացուցակում ընդգրկված 16 ստարտափները մինչ ՆԶՀԴ-ի դրամաշնորհների վերջնական մրցութային փուլին մասնակցելը անցել էին նախնական ընտրության, հավելյալ վերապատրաստման և մենթորական խորհրդատվության գործընթաց՝ իրենց նորարարական գաղափարներն ու լուծումները ներկայացնելով ՏՏ և բարձր տեխնոլոգիաների ոլորտների հայաստանյան և արտասահմանյան մասնագետներից կազմված ժյուրիին:
Ժյուրին ընտրեց ՆԶՀԴ-ի դրամաշնորհային սխեմայի պահանջներին համապատասխանող 6 մրցանակակիր, այն է՝
- 360 Stories Armenia
- Eswap
- Himnark people
- Hirebee.ai
- Smart Metering system for power distribution networks
- WireStock
Հաղթող ստարտափները կստանան մինչև 35000 եվրո նախնական ֆինանսավորում, մենթորական խորհրդատվություն, կապեր պոտենցիալ ներդրողների հետ և փորձառություն դեպի սպառողը կողմնորոշված նորարարության առևտրայնացման ռազմավարությունների ոլորտներում:
Դրամաշնորհները տրամադրվում են EU4Business SMEDA ծրագրի շրջանակներում, որն աջակցում է գործարարության և ներդրումային միջավայրի բարելավմանը Հայաստանի ՓՄՁ-ների համար: Այն նպատակ ունի ամրապնդելու մասնավոր հատվածը, աջակցելու ՓՄՁ-ի համակարգման մեխանիզմներին և խթանելու հետազոտական հաստատությունների ու մասնավոր հատվածի միջև կապերը, ինչպես նաև ապահովելու ֆինանսական միջոցների հասանելիություն ՓՄՁ-ների համար:
