Հայաստանի ազգային վիճակագրական ծառայության աշխատակիցները մասնակցել են Դանիա կատարած ուսումնական այցին, որը կազմակերպել էր EU4Business-ի SMEDA (Աջակցություն ՓՄՁ զարգացմանը Հայաստանում) ծրագիրը:
Այցը հաջորդում է ՓՄՁ վիճակագրության վերաբերյալ չորս փորձագիտական առաքելություններին, որոնք կազմակերպել էր ԵՄ-SMEDA-ն, և որոնց նպատակն էր բարելավել Ազգային վիճակագրական ծառայության հզորությունները:
Դանիայում քննարկված և դիտարկված առանցքային թեմաներն էին՝
- ՓՄՁ վիճակագրության վարման համար տեղեկատվության աղբյուրները.
- ՓՄՁ վիճակագրության վարման համար չափանիշներ ընտրելու իրագործելիությունը.
- ՓՄՁ վիճակագրության վարման շրջանակը՝ տնտեսվարող սուբյեկտների վերաբերյալ տեղեկատվության հատվածավորում (ինչ տեսակի տնտեսական գործունեություն պետք է ներառվի ՓՄՁ վիճակագրությունում).
- ՓՄՁ միավորների հիմնական գործունեության տեսակի և տեղակայման նույնականացումը.
- ՓՄՁ միավորների համար հավելյալ արժեքի հաշվարկը.
- նույն տնտեսվարող սուբյեկտին (դրա մասնաճյուղին) պատկանող ՓՄՁ միավորների մասին տեղեկատվություն ստանալու աղբյուրները.
- ՓՄՁ միավորների միջև կապը նույնականացնելու մեխանիզմները.
- ԵՄ երկրներում ՓՄՁ ժողովրդագրական տվյալների վարման առանձնահատկությունները:
Այցի մասնակից հայ վիճակագիրներին նաև ներկայացվել է Դանիական վիճակագրական ծառայության փորձը ՓՄՁ վիճակագրության հավաքագրման, կազմավորման և հրապարակման ոլորտում՝ ԵՎՐՈՍՏԱՏԻ-ի և ՏՀԶԿ-ի չափորոշիչներին համապատասխան:
Հիմնվելով չորս փորձագիտական առաքելությունների վրա՝ ուսումնական այցը Հայաստանի ազգային վիճակագրական ծառայությանը հնարավորություն է տվել ստանալու անհրաժեշտ և արդիական տեղեկատվություն նոու-հաուի և մեթոդների վերաբերյալ, ինչը նրանց հնարավորություն է տալիս պատրաստելու և հրապարակելու բարձրորակ և ճշգրիտ ՓՄՁ վիճակագրություն զանազան ենթաոլորտային վերլուծություններով, որոնք պետք է Հայաստանում լայնորեն օգտագործվեն շահագրգիռ կողմերի և ՓՄՁ-ների կողմից:
EU4Business-ի SMEDA (Աջակցություն ՓՄՁ զարգացմանը Հայաստանում) ծրագիրն աջակցում է գործարարության և ներդրումային միջավայրի բարելավմանը Հայաստանի ՓՄՁ-ների համար: Այն նպատակ ունի ամրապնդելու մասնավոր հատվածը, աջակցելու ՓՄՁ-ի համակարգման մեխանիզմներին և խթանելու հետազոտական հաստատությունների ու մասնավոր հատվածի միջև կապերը, ինչպես նաև ապահովելու ֆինանսական միջոցների հասանելիություն ՓՄՁ-ների համար:
