You are using an outdated browser. Please upgrade your browser to improve your experience.
ՍԿԻԶԲ

Շատ մեծ նախաձեռնություններ սկսվում են պարզ գաղափարներից, որոնք կոչված են լուծելու մարդկային պարզ խնդիրները: Որպես փոքր շուկա և դեպի ծով ելք չունեցող երկիր՝ Հայաստանի շուկան թիրախ չէ աշխարհի բազմաթիվ խոշոր բիզնեսների համար։ Այնուամենայնիվ, Հայաստանի բնակիչները նույնպես ցանկանում են ունենալ լավագույն ընտրությունը՝ աշխարհում հասանելի ամենագեղեցիկ, ամենաարդյունավետ և ամենաֆունկցիոնալ իրերը: Աշխարհի առաջարկած լավագույնը հայաստանցի հաճախորդներին բերելու գաղափարը ծնվել է 7 տարի առաջ և դարձել Գլոբբինգ:

Արագ աճ

«Գլոբբինգ» Գլոբալ Շիփինգ ՍՊԸ-ն, որը հիմնադրվել է Երևանում 2015 թվականին, 7 տարվա ընթացքում 5 սրահ է բացել Հայաստանում և 1 սրահ՝ Ստեփանակերտում՝ Լեռնային Ղարաբաղում, ավելի քան 170 լոքերներ՝ պահարաններ, է տեղադրել՝ ստեղծելով Հայաստանում պահարանների ամենամեծ ցանցը, և հիմնել է Գլոբբինգ Ղազախստանն ու Գլոբբինգ Ուզբեկստանը:

Նման արագ աճն, ինքնըստինքյան, հանգեցրել է կազմակերպչական որոշ խնդիրների՝ անձնակազմի կառավարման համակարգերի բացակայությամբ պայմանավորված, ինչն, իր հերթին, պատճառ է դարձել աշխատանքի արտադրողականության անկման, աշխատուժի արտահոսքի և այլ խնդիրների։ Այդ ժամանակահատվածում ընկերությունը տեղեկացել է «ԵՄ-ն բիզնեսի համար» նախաձեռնության շրջանակներում «Խորհրդատվություն փոքր բիզնեսներին» ծրագրի մասին, որն իրականացնում է Վերակառուցման և զարգացման եվրոպական բանկը (EBRD), դիմել է կազմակերպչական զարգացման և մարդկային ռեսուրսների կառավարման (ՄՌԿ) աջակցության համար, նպատակ ունենալով բարձրացնել ՄՌԿ արդյունավետությունը, վերանայել ընկերության կազմակերպչական կառուցվածքը և զարգացնել խթանների և հետադարձ կապի մեխանիզմների համակարգը:

Խնդիրների լուծում

«Մինչ խորհրդատվական այս ծառայությունները ստանալը ընկերությունն արդեն սկսել էր ստանդարտացնել և ինստիտուցիոնալացնել ՄՌԿ գործընթացները, ընթացակարգերը և փաստաթղթերը», - ասում է Գլոբբինգի վարչական տնօրեն Քրիստ Մարուքյանը: «Խորհրդատուները մեզ օգնեցին խթանել գործընթացը»:

Մարուքյանը շարունակում է. «Ես ինքս Գլոբբինգի հաճախորդ էի 2017 թվականից և միշտ հիացել եմ ընկերության հիմնադիրների ստեղծած՝ ամբողջ աշխարհում գործող հսկայական լոգիստիկ համակարգով: Ես միացել եմ ընկերությանը ուղիղ մեկ տարի առաջ: Այսօր իմ հիմնական պարտականությունները ներառում են ընկերության՝ կորպորատիվ կառավարման գործիքներին, գործընթացներին, ընթացակարգերին անցնելու հետ կապված փոփոխությունները կառավարելը, հակակշիռների ստեղծումը և շահերի բախման վերացումը»:

2021 թվականի դեկտեմբերին Գլոբբինգին տրամադրված 12,611  եվրո դրամաշնորհի 5,405 եվրոն ներդրել է ընկերությունը։ Դրամաշնորհի շրջանակներում նրանք հստակեցրել են կազմակերպության կառուցվածքը, ստեղծել կազմակերպչական ռազմավարության համապատասխանության ստուգման համակարգ և իրականացնել SWOT, PEST և Porter-ի հինգ ուժերի վերլուծություններ։ Ֆինանսավորման շնորհիվ Գլոբբինգը հետազոտել է ՄՌԿ գործառույթներում առկա խնդիրները, կազմել ՄՌԿ գործառույթների ռազմավարություն, ծրագիր, տարբեր բաժինների ու աշխատակիցների գործառույթների ցանկ, ստեղծել աշխատանքի նկարագրություններ և աշխատանքային պայմանագրերի ձևեր, կատարողականի գնահատման գործիքներ, ցուցանիշների ու չափորոշիչների բալանսավորված համակարգ:

«Մենք հաջողությամբ հասանք ծրագրի նպատակներին և գործընթացի շնորհիվ իրականացրինք անհրաժեշտ փոփոխությունները», - ասում է Մարուքյանը՝ գնահատելով Գլոբբինգի ձեռքբերումները համագործակցությունից։ «Դրամաշնորհը հիմնականում օգնել է արագացնել ինստիտուցիոնալացման գործընթացները, որոնք մենք արդեն սկսել էինք, և բարձրացնել դրանց ընդհանուր արդյունավետությունը: Այլապես, առնվազն մեկ-երկու տարի ավել ժամանակ կծախսեինք՝ հասնելու համար այնտեղ, որտեղ ցանկանում էինք»։

Կարևոր ներքին փոփոխությունները

Ինչպես պարզաբանում է Մարուքյանը, ընկերության համեմատաբար մեծ չափերը և խորհրդատվական դրամաշնորհի բնույթը դժվարացնում են առաջին հայացքից դրա ազդեցությունը ներկայացնելը։ «Քանի որ նախագիծը կոչված էր բարելավելու կադրերի հետ կապված գործընթացները, ընթացակարգերը և փաստաթղթերը, ազդեցությունը հիմնականում ներքին էր: Ահա թե ինչու ընկերության արտաքին իմիջը, նրա առցանց ներկայությունը կայքում և սոցիալական մեդիայում տեսանելիորեն չեն փոփոխվել»:

Այնուամենայնիվ, Մարուքյանը համոզված է, որ «ԵՄ-ն բիզնեսի համար» նախաձեռնության աջակցությունը ընկերությունը բարձրացրեց մի նոր մակարդակի, որտեղ իրենք տեսնում են հետագա աճ և արդյունավետ զարգացում; և վստահ է, որ դա ընկերությանը կբերի ավելի բարձր վարկանիշ: Գլոբբինգը վերակազմավորել ու արդիականացրել է ընթացակարգերն՝ իր աշխատակիցներին և հաճախորդներին կազմակերպության տեսլականի ուղղությամբ ավելի սահուն ուղեկցելու համար:

 

Ամենավերջինը ՀԱՋՈՂՈՒԹՅԱՆ ՊԱՏՄՈՒԹՅՈՒՆՆԵՐ
am
05.04.2022
Ընդամենը 7 տարի առաջ 34-ամյա Դավիթ Մնացականյանն ընկերոջ հետ քննարկում էր գումար վաստակելու այլընտրանքային ուղիները։
am
31.03.2022
Չնայած համավարակի կործանարար հետևանքներին՝ այն կառուցողական որոշ փոփոխություններ բերեց․ շատերը տուժեցին, սակայն ոմանք կարողացան հաղթահարել և ի նպաստ իրենց օգտագործել իրավիճակի հետևանքները։
am
23.03.2022
Բարձր լեռներն ու խորը կիրճերը, Հայաստանի քարքարոտ բայց ակնահաճո բնության ողջ հմայքն այժմ կարելի է վայելել մոտոցիկլետի՝ հետաքրքրաշարժ և շունչը կտրող արշավի ժամանակ: Այս ամենը՝ Neo Ride Armenia ստարտափի շնորհիվ, որն ուրվագծել է կովկասյան փոքրիկ երկիրը մոտոցիկլետային զբոսաշրջության քարտեզի վրա։

Քուքիներ
Այս կայքն օգտագործում է թխուկներ՝ ձեզ առաջարկելով կայքը թերթելու ավելի լավ հնարավորություններ: Կարդալ ավելին
Ես մերժում եմ թխուկները
Ես ընդունում եմ թխուկները