ԵՄ-ի կողմից ֆինանսավորվող «Տարածաշրջանային ՓՄՁ-ների մրցունակության խթանում» ծրագիրը Հայաստանում կազմակերպում է մի շարք դասընթացներ կարիերայի առաջխաղացման, հաճախորդների սպասարկման և հաղորդակցման հմտությունների թեմաներով, որոնք ուղղված են Լոռու, Սյունիքի ու Արմավիրի մարզերի տեղական աշխատուժին:
Ծրագրի թիրախային ոլորտներն են սննդի վերամշակումըն և զբոսաշրջությունը:
Դասընթացները կմեկնարկեն 2018 թվականի հուլիսից, և յուրաքանչյուր դասընթացը կտևի 9 ժամ՝ 2-3 օրվա ընթացքում:
Մասնակցելով դասընթացներին՝ մասնակիցները կբարելավեն իրենց կարիերայի կառավարման կարողությունները և ձեռք կբերեն մոտիվացիան, կառավարումը և առաջնորդությունը բարելավող հմտություններ՝ այդպիսով զարգացնելով իրենց աշխատանք գտնելու կարողությունը:
Զբոսաշրջության ոլորտում աշխատանք փնտրող անձինք ձեռք կբերեն տեխնոլոգիական գիտելիքներ և համապատասխան գործնական հմտություններ հաճախորդների սպասարկման և հյուրընկալության կառավարման ոլորտում:
Դասընթացները կանցկացվեն փորձառու մասնագետների կողմից՝ գերազանցապես ինտերակտիվ մեթոդներով՝ ներառյալ խմբային քննարկումները, դերային խաղերը և դեպքերի ուսումնասիրությունները:
«Հաճախորդների սպասարկման զարգացման» և «Հաճախորդների սպասարկում և հաղորդակցման հմտություններ» դասընթացները տեղի կունենան հետևյալ քաղաքներից յուրաքանչյուրում՝ Վանաձոր և Ալավերդի (Լոռու մարզ), Արմավիր (Արմավիրի մարզ), և Գորիս (Սյունիքի մարզ):
Սեղմեք այստեղ՝ ամբողջական տեղեկատվության և գրանցման համար անհրաժեշտ կոնտակտային տվյալների համար:
EU4Business-ի «Տարածաշրջանային ՓՄՁ-ների մրցունակության խթանում» ծրագիրն իրականացվում է Հայաստանի փոքր և միջին ձեռնարկատիրության զարգացման ազգային կենտրոնի (ՓՄՁ ԶԱԿ), Արմավիրի զարգացման կենտրոնի, Ռազմավարական զարգացման գործակալության, «Սպիտակ-Ֆերմեր» և «Սյուն» ՀԿ-ների կողմից: Ծրագրի ընդհանուր նպատակն է խթանել տարածաշրջանային ՓՄՁ-ների մրցունակությունը և ստեղծել կայուն զբաղվածության հնարավորություններ Հայաստանի Լոռու, Սյունիքի և Արմավիրի մարզերում:
