You are using an outdated browser. Please upgrade your browser to improve your experience.
ՍԿԻԶԲ

«Մայքրոսոֆթ ինովացիոն կենտրոն Հայաստան» հիմնադրամը և Գյումրիի տեղեկատվական տեխնոլոգիաների կենտրոնը EU4Business-ի «Տեխնոլոգիական զարգացման խթանումը Շիրակի մարզում» ծրագրի շրջանակներում հայտարարել են ՏՏ ոլորտի գործընկեր կազմակերպությունների համար նախատեսված նոր դրամաշնորհային մրցույթ: Դիմումների ընդունման վերջնաժամկետն է մայիսի 20-ը:

Դրամաշնորհի նպատակն է աջակցել Շիրակի մարզում գործող ՏՏ ընկերություններին իրենց գործունեության շրջանակն ընդլայնելու և անձնակազմը նոր մասնագետներով, մասնավորապես կրտսեր ծրագրավորողներով համալրելու գործում: 

Մասնակցության պայմանները

Դրամաշնորհային մրցույթին կարող են մասնակցել միայն այն ՏՏ ընկերությունները, որոնք՝ 

  • ծրագրի հետ կնքել են համագործակցության համաձայնագիր,
  • գրանցված են 2013 թ. հունվարի 1-ից և գործում են Շիրակի մարզում,
  • պարտավորվում են համաֆինանսավորել ընդլայնմանն ուղղված ընդհանուր բյուջեի առնվազն 10%-ը: 

Ի՞նչ ծախսեր է հնարավոր իրականացնել դրամաշնորհի միջոցներով

Դրամաշնորհի միջոցները կարող են ծախսվել միայն հետևյալ ուղղություններով՝

  • նոր աշխատակիցներով համալրման համար անհրաժեշտ միջոցների գնում (կահույք, համակարգիչ և այլն),
  • արտադրանքի առաջխաղացման հետ կապված ծախսեր,
  • ընկերության գործունեության շրջանակի ընդլայնմանն ուղղված մարկետինգային և բիզնեսի զարգացման ծախսեր: 

Դրամաշնորհային միջոցները չեն կարող օգտագործվել որևէ տեսակի աշխատավարձի վճարման համար: 

Դիմելու ընթացակարգի և չափանիշների մասին ամբողջական տեղեկատվության համար այցելեք դրամաշնորհի հայտարարության էջ:

ԵՄ-ի ֆինանսավորմամբ իրականացվող EU4Business նախաձեռնության շրջանակներում, «Տեխնոլոգիական զարգացման խթանումը Շիրակի մարզում» ծրագիրն աջակցում է Շիրակի մարզում տնտեսական զարգացմանը՝ ուսուցման և ֆինանսական օգնության միջոցով խթանելով երիտասարդ գործազուրկ անձանց հմտությունները և ՏՏ համայնքի բիզնես զարգացումը: Ծրագրի շրջանակներում մշակվում են ինտենսիվ ՏՏ ուսուցման դասընթացներ աշխատանք փնտրող երիտասարդների համար և իրականացվում են ուղղորդման ծրագրեր, որոնք ուղղված են երիտասարդների և ՏՏ ոլորտի հնարավոր գործատուների միջև կապի հաստատմանը: Ծրագիրը Շիրակի մարզի ՏՏ ոլորտի ընկերություններին տրամադրում է բարելավված աջակցության փաթեթ՝ դրանց մրցունակության մակարդակը բարձրացնելու նպատակով:

Ամենավերջինը Նորություններ
am
18.03.2024
Եվրոպական միությունը շատ ակտիվ է նոր բիզնեսների զարգացմանն աջակցելու հարցում, մասնավորապես՝ կանանց շրջանում, եւ առավել եւս՝ ՀՀ մարզերում: Այնպես որ, մի կարծիր, թե անպայման պետք է գտնվես Երեւանում, ունենաս բարձրագույն կրթություն կամ արդեն իսկ հիմնադրված բիզնես՝ ԵՄ կողմից աջակցություն ստանալու համար:
am
23.01.2024
Ի տարբերություն խոշոր քաղաքային կենտրոնների, Հայաստանի գյուղական բնակավայրերում կանանց առաջարկվող աշխատատեղերի պակաս կա՝ անկախ նրանց տարիքից: Շիրակի մարզը ասվածի վառ օրինակներից է․ այստեղ կանանց գործազրկության մակարդակը շարունակում է բարձր մնալ։
am
04.12.2023
Հայաստանյան առաջատար բանկը Վերակառուցման եւ զարգացման եվրոպական բանկից (ՎԶԵԲ) կստանա երկու հավասար վարկերից բաղկացած 20 մլն. ԱՄՆ դոլարի չափով ֆինանսավորում՝ մասնավոր հատվածի վերավարկավորման նպատակով։

Քուքիներ
Այս կայքն օգտագործում է թխուկներ՝ ձեզ առաջարկելով կայքը թերթելու ավելի լավ հնարավորություններ: Կարդալ ավելին
Ես մերժում եմ թխուկները
Ես ընդունում եմ թխուկները