Միջազգային առևտրի կենտրոնը (ITC)՝ Եվրոպական միության կողմից ֆինանսավորվող «Հագուստի և ագրոբիզնեսի կայուն արժեշղթաների կառուցում Հայաստանում» ծրագրի շրջանակում և ՀՀ էկոնոմիկայի նախարարության հետ համագործակցությամբ հայտարարում է 2027 թվականին նախատեսվող միջազգային հեղինակավոր ցուցահանդեսներին հայկական հագուստ արտադրողների մասնակցության հայտերի մեկնարկը։
Ցուցահանդեսների մասին
Texworld Apparel Sourcing (Փարիզ, Ֆրանսիա) - Հունվարի 25-27, 2027 թ․, հագուստ արտադրողների համար նախատեված Եվրոպայի առաջատար B2B հարթակներից է, որը միավորում է 1300+ արտադրողների շուրջ 35 երկրներից։
Ready to Show (Միլան, Իտալիա) - Փետրվարի 20-22, 2027 թ․, հագուստ արտադրողների համար նախատեված Իտալիայի առաջատար B2B հարթակներից է, որը միավորում է 300+ արտադրողների շուրջ 30 երկրներից։
A+A Düsseldorf (Դյուսելդորֆ, Գերմանիա) – Հոկտեմբերի 20-22, 2027 թ, Աշխատանքային, ֆունկցիոնալ, պաշտպանիչ հագուստ արտադրողների աշխարհի խոշորագույն ցուցահանդես է, որը միավորում է 2,200+ արտադրողների ավելի քան 60 երկրներից։
Մասնակցության պայմաններն ու ընտրությունը
Ծրագրի աջակցությունից օգտվելու համար դիմորդ կազմակերպությունները պետք է ներկայացնեն հայտ, որի հիման վրա ITC-ն կիրականացնի նախնական ընտրություն՝ գնահատելով կազմակերպության արտադրական կարողությունները և արտահանման փորձը։ Նախապատվությունը կտրվի ցուցահանդեսի նախորդ փուլերում հաջողություն գրանցած մասնակիցներին։
Ցուցահանդեսի հայտերի վերջնական ընտրությունը կատարվում է ցուցահանդեսի կազմակերպիչների կողմից՝ ներկայացված հայտերի և անհրաժեշտ փաստաթղթերի հիման վրա։
Ընտրված կազմակերպությունները աջակցություն կստանան նախապատրաստական աշխատանքներում և տաղավարի վարձակալության հարցում։
Հայտի լրացում
Հայտերի ընդունման վերջնաժամկետ․ Հոկտեմբերի 16, 2026 թ․
Ինչպես դիմել․ Լրացրեք առցանց հայտադիմումը հետևյալ հղումով։
