You are using an outdated browser. Please upgrade your browser to improve your experience.
ՍԿԻԶԲ

Հայաստանում EU4Business-ի «Տարածաշրջանային ՓՄՁ-ների մրցունակության խթանում» ծրագիրն Արմավիրի, Լոռու և Սյունիքի մարզերում մեկնարկում է իր «Հաջող սկիզբ» ծրագրի երկրորդ և երրորդ փուլերը, որոնք ուղղված են ստարտափներին, վերջին երեք տարվա ընթացքում գործունեություն ծավալող ՓՄՁ-ներին և բիզնեսի կառավարման ոլորտում աշխատանք փնտրողներին:

Ծրագրի թիրախային ոլորտներն են սննդամթերքի վերամշակումը և զբոսաշրջությունը

«Հաջող սկիզբ» ծրագիրն իրականացվում է Փոքր և միջին ձեռնարկատիրության զարգացման ազգային կենտրոնի (ՓՄՁ ԶԱԿ) կողմից՝ Եվրոպական միության ու Տարածքային կառավարման և զարգացման նախարարության հետ համատեղ:

Արմավիրի մարզում ծրագիրը կիրականացվի Արմավիրում, Վաղարշապատում և Բաղրամյանում:

Լոռու մարզում ծրագիրը կիրականացվի Սպիտակում, Վանաձորում և Ստեփանավանում: 

Սյունիքի մարզում ծրագիրը կիրականացվի Սիսիանում, Գորիսում և Տաթևում:

Ծրագիրը ներառում է հետևյալ բաղադրիչները՝ ուսուցում, տեղեկատվության տրամադրում, մասնագիտական խորհրդատվություն և ֆինանսական աջակցություն:

Ծրագրին մասնակցելով՝ ստարտափները և գործող ՓՄՁ-ները կբարելավեն իրենց ձեռնարկատիրական հմտությունները և ձեռք կբերեն գիտելիքներ շուկայավարման, կառավարման, արտադրության, ֆինանսների պլանավորման ոլորտներում, ինչպես նաև՝ համապատասխան գործարար հմտություններ:

Ծրագրի ընթացքում ստարտափ ձեռնարկությունները փորձառու մասնագետների ուղղորդմամբ առաջին հերթին կմշակեն իրենց բիզնես ծրագրերը, ապա կսկսեն դրանց իրականացումը:

Ամենաբարձր գնահատականի արժանացող ամենակենսունակ բիզնես գաղափարների համար հնարավորություն կտրվի դիմելու ֆինանսական աջակցության համար. մինչև 2 միլիոն ՀՀ դրամ՝ նոր աշխատատեղերի ստեղծման համար տրվող դրամաշնորհների միջոցով, և վարկեր, որոնք տրամադրում են ՓՄՁ ԶԱԿ-ի գործընկեր բանկերը հետևյալ պայմաններով՝

• գումարը՝ 5 միլիոն ՀՀ դրամ,

• տարեկան տոկոսադրույքը՝ 10%,

• ժամկետը՝ առավելագույնը 5 տարի,

• ապահովումը՝ ՓՄՁ ԶԱԿ-ի 100% երաշխիք:

Հարցազրույցների երկրորդ փուլը տեղի կունենա ըստ հետևյալ ժամանակացույցի՝

Լոռու մարզ, ք. Ստեփանավան – սեպտեմբերի 15, ժ. 13:00, հասցե՝ ք. Ստեփանավան, Սոս Սարգսյան 1 (Քաղաքապետարանի շենք):

Արմավիրի մարզ, ք. Վաղարշապատ – սեպտեմբերի 20, ժ. 12:00, հասցե՝ ք. Վաղարշապատ, Չարենցի 3բ:

Սյունիքի մարզ, ք. Սիսիան – սեպտեմբերի 22, ժ. 13:00, հասցե՝ ք. Սիսիան, Գարեգին Նժդեհի 2:

Հարցազրույցների երրորդ փուլը տեղի կունենա ըստ հետևյալ ժամանակացույցի՝

Լոռու մարզ, ք. Վանաձոր – հոկտեմբերի 9, ժ. 12:00, հասցե՝ ք. Վանաձոր, Լազարյան 35/9:

Սյունիքի մարզ, գյուղ Տաթև – հոկտեմբերի 12, ժ. 13:00, հասցե՝ գ․ Տաթև, Շինուհայրի գյուղապետարան:

Արմավիրի մարզ, գյուղ Մյասնիկյան – հոկտեմբերի 16, ժ. 12:00, հասցե՝ գ․ Մյասնիկյան, Մյասնիկյան փ. 4:

Գրանցվելու համար կարող եք դիմել Հայաստանի ՓՄՁ ԶԱԿ-ի Արմավիրի, Լոռու, Սյունիքի մասնաճյուղեր:

Ծրագրի մասին

Ֆինանսավորվելով Եվրոպական միության կողմից՝ Հայաստանում EU4Busines-ի «Տարածաշրջանային ՓՄՁ-ների մրցունակության խթանում» ծրագիրն ուղղված է մարզային ՓՄՁ-ների մրցունակության խթանմանը և ՀՀ Լոռու, Սյունիքի և Արմավիրի մարզերում աշխատատեղերի ստեղծմանը՝ կենտրոնանալով սննդի վերամշակման և զբոսաշրջության ոլորտների վրա: Այն նպաստում է ձեռնարկատիրության զարգացմանը՝ բարենպաստ պայմաններ ստեղծելով ստարտափների համար և հզորացնելով տեղական ՓՄՁ-ների կարողությունները, ինչպես նաև զարգացնելով աշխատանք որոնող անձանց համապատասխան հմտությունները և հզորացնելով տեղական կարողությունները տնտեսական զարգացմանն ուղղված նախաձեռնությունների հետագա խթանման նպատակով: 

Ամենավերջինը Նորություններ
am
23.01.2024
Ի տարբերություն խոշոր քաղաքային կենտրոնների, Հայաստանի գյուղական բնակավայրերում կանանց առաջարկվող աշխատատեղերի պակաս կա՝ անկախ նրանց տարիքից: Շիրակի մարզը ասվածի վառ օրինակներից է․ այստեղ կանանց գործազրկության մակարդակը շարունակում է բարձր մնալ։
am
04.12.2023
Հայաստանյան առաջատար բանկը Վերակառուցման եւ զարգացման եվրոպական բանկից (ՎԶԵԲ) կստանա երկու հավասար վարկերից բաղկացած 20 մլն. ԱՄՆ դոլարի չափով ֆինանսավորում՝ մասնավոր հատվածի վերավարկավորման նպատակով։
am
01.12.2023
Վերակառուցման եւ զարգացման եվրոպական բանկը (ՎԶԵԲ) հայտարարել է Եվրոպական միության եւ Շվեդիայի աջակցությամբ Ակբա բանկին նոր միջոցների տրամադրման մասին։

Քուքիներ
Այս կայքն օգտագործում է թխուկներ՝ ձեզ առաջարկելով կայքը թերթելու ավելի լավ հնարավորություններ: Կարդալ ավելին
Ես մերժում եմ թխուկները
Ես ընդունում եմ թխուկները