You are using an outdated browser. Please upgrade your browser to improve your experience.
ՍԿԻԶԲ

Ժիրայր Մարտիրոսյանը և Նադեժդա Սևոյանը առաջիններից էին, ովքեր դեռևս 2003 թվից Գորիսում՝ Հայաստանի հարավային մասում, հանրակացարանային համարներ էին առաջարկում, և այդ ժամանակից ի վեր նրանք դիմավորել են աշխարհի տարբեր երկրներից ժամանած հյուրերի:

Սկզբում հյուրատունն աչքի էր ընկնում իր հանգստավետ հարմարություններով, տանտիրուհու պատրաստած համեղ հայկական կերակուրներով, որտեղ օգտագործվում էին միայն թարմ բաղադրիչներ, ինչպես նաև Ժիրայրի՝ սեփականատիրոջ, յուրօրինակ գեղարվեստական ձևավորմամբ և ժամանակակից նկարներով:

Այնուամենայնիվ, չունենալով հյուրընկալության կառավարման կամ համացանցային մարկետինգի և առաջխաղացման հմտություններ, բիզնեսը դանդաղ էր զարգանում՝ չնայած հարավային Հայաստանի լեռնային տարածքի բնական գեղեցկությանը:

Ուստի, երբ 2017 թ. վերջերին հնարավորություն ստեղծվեց, հյուրատունը ներգրավվեց ԵՄ-ի կողմից ֆինանսավորվող «Տարածաշրջանային ՓՄՁ-ների մրցունակության խթանում» ծրագրում, որը EU4Business նախաձեռնության շրջանակներում համատեղ իրականացնում էին Հայաստանի փոքր և միջին ձեռնարկատիրության զարգացման ազգային կենտրոնը (ՓՄՁ ԶԱԿ) և «Ռազմավարական զարգացման գործակալություն» (ՌԶԳ) ՀԿ-ն:

Ծրագիրը տարածաշրջանում գործող ՓՄՁ-ների համար շարունակական բիզնես խորհրդատվություն է տրամադրել, և այս շրջանակներում ՌԶԳ-ի թիմը մի քանի կարևոր հարցեր է լուծել, որոնք խոչընդոտում էին բիզնեսի զարգացմանը:

Խորհրդատուներն առաջարկեցին վերանվանել հյուրատունը՝ «Գորիս» հոսթելից «Լավելի Գորիս»-ի, որպեսզի չշփոթվի նույն տարածքում գործող «Գորիս» հյուրանոցի հետ: Միևնույն ժամանակ, լուծվեցին հոսթելի գործունեության հարցերը Booking.com-ում և այլ միջազգային ամրագրման հարթակներում, և հյուրատունը կրկին, մի քանի ամիս ընդհատումից հետո, սկսեց ամրագրման դիմումներ ստանալ:

Բիզնես խորհրդատվության աջակցության երկրորդ փուլում՝ օգտվելով զարգացման առկա հնարավորություններից, ՌԶԳ-ի թիմը մշակեց երկու լրացուցիչ ծառայություն: Ժիրայրը, ով հայտնի նկարիչ է, սկսեց արվեստասիրական շրջագայություններ կազմակերպել քաղաքում, ինչպես նաև հոսթելում հյուրընկալվող հյուրերին վարպետության դասեր առաջարկել հին Գորիսի բնական քարայրներից մեկում գտնվող իր արվեստանոցում:

Սյունիքի մարզի արվեստով, պատմությամբ և մշակույթով հետաքրքրված անձանց համար մշակված այս փաթեթի շնորհիվ՝ հոսթելը շահեկանորեն առանձնացավ քաղաքի այլ հյուրանոցներից և յուրահատուկ շուկայահատված ստեղծեց «Լավելի Գորիսի» համար:

ՌԶԳ-ի թիմը նախաձեռնեց նաև մի շարք խթանման միջոցառումներ, ինչպիսին է ճանաչողական ուղևորությունը, որը տասնյակ տուրիստական գործակալությունների ներկայացուցիչներին առաջարկում էր այցելել զբոսաշրջության բնագավառում գործող ձեռնարկություններ, որոնք օգտվել էին ծրագրից: Արդյունքում, ընդամենը մի քանի ամիս համագործակցելով ծրագրի հետ, «Լավելի Գորիս» հյուրատունը 2018-ի ապրիլ-մայիս ամիսներին ունեցավ ավելի քան 40 ամրագրում՝ ի տարբերություն նախորդ տարվա նույն ժամանակահատվածի ընդամենը երեք ամրագրման, և հիմա ամրագրումները հաստատուն կերպով ավելանում են:

Տարածաշրջանային ՓՄՁ-ների մրցունակության խթանում-ը մի ծրագիր է, որը ֆինանսավորում է ԵՄ-ն իր EU4Business նախաձեռնության շրջանակներում: Ծրագիրն ուղղված է տարածաշրջանային ՓՄՁ-ների մրցունակության խթանմանը և Հայաստանի Լոռու, Սյունիքի և Արմավիրի մարզերում աշխատատեղերի ստեղծմանը՝ կենտրոնանալով սննդի վերամշակման և զբոսաշրջության ոլորտների վրա: Այն նպաստում է ձեռնարկատիրության զարգացմանը՝ բարենպաստ պայմաններ ստեղծելով ստարտափների համար և հզորացնելով տեղական ՓՄՁ-ների կարողությունները, ինչպես նաև զարգացնելով աշխատանք որոնող անձանց համապատասխան հմտությունները և հզորացնելով տեղական կարողությունները տնտեսական զարգացմանն ուղղված նախաձեռնությունների հետագա խթանման նպատակով: 

Ամենավերջինը ՀԱՋՈՂՈՒԹՅԱՆ ՊԱՏՄՈՒԹՅՈՒՆՆԵՐ
am
13.02.2024
Ստեփանավանում բնակվող երիտասարդ ամուսիններ Դավիթ Դավթյանը և Լենա Սարգսյանը համատեղ կյանքի 15 տարիների ընթացքում իրենց օրինակով են ապացուցում, որ աշխատանքը ստեղծագործություն է, և այն իրական ուրախություն է պարգևում կյանքում:
am
12.02.2024
Լոռու մարզի Սպիտակ համայնքում է բնակվում Կարինե Հերիքնազյանի և Արտաշես Կարապետյանի ընտանիքը։ Մինչև ամուսնությունը Կարինե Հերիքնազյանի մտքով անգամ չէր անցնի, որ կլինի մի գործ, որն իրեն նույնքան հոգեհարազատ կլինի, որքան իր բուն մասնագիտությունը՝ բժշկությունը։
am
10.02.2024
Շիրակի մարզի Արևիկ համայնքում Ժաննա Ավետիսյանի մշակած էկոլոգիապես մաքուր ելակի մասին բոլորը գիտեն, այն շատերի ամենօրյա ու հատկապես տոնական օրերի սեղանի զարդն է:

Քուքիներ
Այս կայքն օգտագործում է թխուկներ՝ ձեզ առաջարկելով կայքը թերթելու ավելի լավ հնարավորություններ: Կարդալ ավելին
Ես մերժում եմ թխուկները
Ես ընդունում եմ թխուկները