Հայ կնոջ կողմից Հայաստանում վեց տարի առաջ հիմնադրված շինարարական ձեռնարկությունը Վերակառուցման և զարգացման եվրոպական բանկի շնորհիվ կրկնապատկեց իր շրջանառությունը:
EU4Business-ի և Շվեդիայի ֆինանսավորմամբ, ՎԶԵԲ-ի «Գործարար կանայք» ծրագրի շրջանակներում օժանդակություն ցուցաբերվեց «Սմարթ Քոնսթրաքշն» ՍՊԸ-ին՝ համակարգչային համակարգի միջոցով ավտոմատացնելով արտադրական և ֆինանսական գործունեությունը և ընկերությանը տալով իր բիզնեսի կառավարումը բարելավելու հնարավորություն:
Խելացի կառավարման գործիքների ներմուծում
«Սմարթ Քոնսթրաքշն» ընկերությունը հիմնադրվել է 2011 թվին և իր գործունեությունը սկսել է որպես հավաքովի պողպատե շենքերի (PEB)՝ աշխարհի խոշորագույն արտադրողի պաշտոնական ներկայացուցիչ Հայաստանում, Վրաստանում և Կենտրոնական Ասիայում:
Այժմ ընկերությունը մատուցում է ինժեներական և շինարարական
ամբողջական ծառայություններ և ապահովում է նախագծի ներդրման բոլոր փուլերը, որի մեջ մտնում են նախագծի փաթեթի նախապատրաստումը, իրականացումը և որակի վերահսկումը, շենքերի պրոֆեսիոնալ վերանորոգման ու սպասարկման ծառայությունները:
Ստանդարտացնելով բիզնես գործընթացները և տրամադրելով կառավարման տեղեկատվական համապարփակ համակարգ՝ ՎԶԵԲ-ը «Սմարթ Քոնսթրաքշն» ընկերությանն օգնեց 123%-ով ավելացնել իր շրջանառությունը:
Բանկը «Սմարթ Քոնսթրաքշն» ընկերությանը ներկայացրեց տեղական խորհրդատուին, ով ստեղծեց Ձեռնարկության ռեսուրսների պլանավորման (ՁՌՊ) համապարփակ համակարգ՝ առևտրային և հաճախորդների հետ հարաբերությունները կառավարելու համար:
Խորհրդատուն փոխանցեց իր փորձագիտական հմտությունները և գիտելիքները
Խորհրդատուն՝
- կատարեց ձեռնարկության մանրակրկիտ ախտորոշում՝ հավաքելով տվյալներ ընկերության գործունեության մասին, մշակելով արդյունաբերական գործընթացները և իրականացնելով նախատեսված և փաստացի եկամուտների «հաշվեսխալների» վերլուծություն.
- մշակեց մանրակրկիտ գործարար ընթացակարգեր՝ բացթողումները լրացնելու համար.
- ծրագրակազմերը հարմարեցրեց ընկերության կարիքներին.
- ընկերության աշխատատեղերում տեղադրեց ծրագրակազմեր և պատրաստեց համապատասխան ձեռնարկներ.
- ընկերության արտադրանքից օգտվողների համար կազմակերպեց դասընթացներ.
- հետիրականացման շրջանում օգտվողներին տրամադրեց օժանդակություն և տեխնիկական աջակցում:
Ավելի երկարաժամկետ ծրագրի ձեռնարկում
Գոհ մնալով ծրագրի հաջող ավարտից՝ ընկերության նախագահը շարունակում է համագործակցել ՎԶԵԲ-ի հետ՝ միջազգային խորհրդատու վարձելով ավելի երկարաժամկետ ծրագրի համար:
Նա աջակցություն է ստացել նաև «Գործարար կանայք» ծրագրի նախաձեռնությամբ իրականացվող Cherie Blair Mentorship ծրագրից:
Լրացուցիչ տեղեկություններ
ՎԶԵԲ-ի խորհրդատվություն փոքր բիզնեսների համար
ՎԶԵԲ-ի ֆինանսավորում և խորհրդատվություն գործարար կանանց համար
