You are using an outdated browser. Please upgrade your browser to improve your experience.
ՍԿԻԶԲ

«Քեզ հետ» սոցիալ-բարեգործական հասարակական կազմակերպությունը Եվրոպական միության կողմից ֆինանսավորվող և «Մարդը կարիքի մեջ» հասարակական կազմակերպության կողմից իրականացվող «ԵՄ Քովիդ-19 հետևանքների չեզոքացման աջակցության ծրագիր Արևելյան գործընկերության երկրների համար» ծրագրի շրջանակում իրականացրել է «Քովիդ-19-ի պայմաններում հաշմանդամություն ունեցող և տարհանված երիտասարդների սոցիալ-տնտեսական կայունության ապահովումը ՏՏ մասնագիտական գիտելիքների տրամադրման միջոցով» ծրագիրը։

Ծրագրի շրջանակում Քովիդ-19 համաճարակից առավել տուժած խոցելի խմբերի (Ղարաբաղյան պատերազմից տուժած, տարհանված երիտասարդներ, լսողության խանգարումներ ունեցող երիտասարդներ, չլսողների ընտանիքների լսող անդամներ) 90 ներկայացուցիչներ մասնակցեցին «Երևանի լսողության խանգարումներ ունեցող երեխաների հատուկ կրթահամալիր» ՊՈԱԿ-ում իրականացվող ՏՏ դասընթացներին՝ ձեռքբերելով 3D մոդելավորման, համակարգչային գրագիտության և HTML ծրագրավորման վերաբերյալ գիտելիքներ և հմտություններ։

Դասընթացներն իրականացվել են 3 հոսքով՝ 3-ական զուգահեռ խմբերով, երեք ամիս տևողությամբ, յուրաքանչյուր խմբում՝ 10 մասնակից։ Արդյունքում ծրագրին մասնակցել է 90 շահառու՝ 30 3D մոդելավորման, 30 համակարգչային գրագիտություն և 30 HTML ծրագրավորման հմտություններով։ Հեռավոր մարզերից ժամանող և կացարանի խնդիր ունեցող 15 մասնակցի համար ապահովվել է սնունդ և գիշերակաց։

Ծրագրի շահառուներից 3-ն արդեն ծավալում են սեփական գործունեությունը, 45 շահառու շարունակում է կրթությունը։

Ծրագրի լավագույն 9 սովորող (յուրաքանչյուր խմբում մեկ հոգի) խրախուսվեցին մրցանակներով՝ դյուրակիր համակարգիչներով։

Ծրագրի շարունակականության ապահովման նպատակով այն ներկայացվել է ԿԳՄՍՆ` փորձաքննության։ Դրական եզրակացության արդյունքում այն կներդրվի կրթահամալիրում որպես շարունակական կրթական ծրագիր։

Ծրագրի համակարգող Լուսինե Բաբայանը բարձր է գնահատում ծրագրի շրջանակում ծավալված բազմաշահագրգիռ համագործակցությունը, որը հնարավորություն տվեց միաժամանակ ու հասցեական աջակցություն ցուցաբերել Քովիդ-19-ից տուժած խոցելի խմբերի՝ կարևորելով տրված աջակցության կայունությունն ու շարունակականությունը։

Ապրիլի 13-ին «Երևանի լսողության խանգարումներ ունեցող երեխաների հատուկ կրթահամալիր» ՊՈԱԿ-ում տեղի է ունեցել ծրագրի ամփոփիչ միջոցառումը, որին ներկա են գտնվել «Մարդը կարիքի մեջ» կազմակերպության և ԿԳՄՍՆ ներկայացուցիչները, կարճաժամկետ դասընթացի ուսանողները, ՏՏ ոլորտի ներկայացուցիչներ, կրթահամալիրի անձնակազմը։ Դասընթացի մասնակիցները ներկայացրել են իրենց աշխատանքներն ու տպավորությունները: Կազմակերպիչները լսել են ներկաների առաջարկները` դասընթացն ավելի ճկուն, արդյունավետ ու շարունակական դարձնելու համար:

Ամենավերջինը Նորություններ
am
23.01.2024
Ի տարբերություն խոշոր քաղաքային կենտրոնների, Հայաստանի գյուղական բնակավայրերում կանանց առաջարկվող աշխատատեղերի պակաս կա՝ անկախ նրանց տարիքից: Շիրակի մարզը ասվածի վառ օրինակներից է․ այստեղ կանանց գործազրկության մակարդակը շարունակում է բարձր մնալ։
am
04.12.2023
Հայաստանյան առաջատար բանկը Վերակառուցման եւ զարգացման եվրոպական բանկից (ՎԶԵԲ) կստանա երկու հավասար վարկերից բաղկացած 20 մլն. ԱՄՆ դոլարի չափով ֆինանսավորում՝ մասնավոր հատվածի վերավարկավորման նպատակով։
am
01.12.2023
Վերակառուցման եւ զարգացման եվրոպական բանկը (ՎԶԵԲ) հայտարարել է Եվրոպական միության եւ Շվեդիայի աջակցությամբ Ակբա բանկին նոր միջոցների տրամադրման մասին։

Քուքիներ
Այս կայքն օգտագործում է թխուկներ՝ ձեզ առաջարկելով կայքը թերթելու ավելի լավ հնարավորություններ: Կարդալ ավելին
Ես մերժում եմ թխուկները
Ես ընդունում եմ թխուկները