You are using an outdated browser. Please upgrade your browser to improve your experience.
ՍԿԻԶԲ

EU4Business-ը նոր ծրագիր է մեկնարկել Հայաստանի երեք մարզերում՝ Լոռիում, Սյունիքում և Արմավիրում՝ երիտասարդ ձեռներեցներին իրենց ստարտափ ընկերությունների զարգացման վերաբերյալ ուսուցում տրամադրելու նպատակով:

Հայաստանի Փոքր և միջին ձեռնարկատիրության զարգացման ազգային կենտրոնի (ՓՄՁ ԶԱԿ)՝ մայիսին մեկնարկած «Բարեհաջող սկիզբ» ծրագիրը մեծ թվով սկսնակ ձեռնարկատերերին կաջակցի կենսունակ ընկերություններ հիմնելու հարցում՝ զարգացնելով նրանց գործարար հմտությունները և օգնելով օգտվել ֆինանսավորման նոր աղբյուրներից ու շուկաներից:

«Բարեհաջող սկիզբ» ծրագրին մասնակցելու համար կընտրվեն առնվազն 135 ստարտափներ և ձեռներեցներ: Ծրագիրը կկազմակերպվի երեք դասընթացների միջոցով՝ յուրաքանչյուր մարզից 15 մասնակցով:

Գործարար ծրագրերի մշակում

Դասընթացի շրջանակներում մասնակիցներից շատերը դասընթացավարների ուղղորդմամբ կմշակեն գործարար ծրագրեր և հետագա խորհրդատվություն կստանան իրենց նպատակների իրականացման համար:

Նրանց նաև կուսուցանվեն գործարար ծրագրերի մշակում, մարկետինգ և կառավարում, մասնավորապես՝ ֆինանսական:

«Բարեհաջող սկիզբ» ծրագիրն ուղղված է երիտասարդ ձեռներեցներին, ովքեր ունեն գործարար մտահղացումներ և ցանկանում են գործ սկսել, ինչպես նաև՝ արդեն գործող և մինչև երեք տարվա պետական գրանցում ունեցող ստարտափներին:

Ծրագրով նախատեսված է ստեղծել առնվազն 10 նոր աշխատատեղ և ավելի քան 20 նոր ընկերություն: Այն մաս է կազմում «Տարածաշրջանային ՓՄՁ-ների մրցունակության խթանում» ծրագրի, որը Հայաստանում մեկնարկել է 2016 թ. վերջին:

Մասնակցելու համար դիմել

«Բարեհաջող սկիզբ» ծրագրին մասնակցելու համար դիմումները պետք է ներկայացնել՝

Լիլիթ Ափուջանյանին

Միջազգային համագործակցության ծրագրերի բաժնի ղեկավար

Հայաստանի ՓՄՁ ԶԱԿ / ՁԵՑ Հայաստան

Մ. Մկրտչյան փող., 5ա,

Երևան 0010 

Հեռ.՝ +374 12 54 16 48

Ֆաքս՝ +374 12 54 16 42

Էլփոստ՝ lapujanyan@smednc.am

 

Ամենավերջինը Նորություններ
am
18.03.2024
Եվրոպական միությունը շատ ակտիվ է նոր բիզնեսների զարգացմանն աջակցելու հարցում, մասնավորապես՝ կանանց շրջանում, եւ առավել եւս՝ ՀՀ մարզերում: Այնպես որ, մի կարծիր, թե անպայման պետք է գտնվես Երեւանում, ունենաս բարձրագույն կրթություն կամ արդեն իսկ հիմնադրված բիզնես՝ ԵՄ կողմից աջակցություն ստանալու համար:
am
23.01.2024
Ի տարբերություն խոշոր քաղաքային կենտրոնների, Հայաստանի գյուղական բնակավայրերում կանանց առաջարկվող աշխատատեղերի պակաս կա՝ անկախ նրանց տարիքից: Շիրակի մարզը ասվածի վառ օրինակներից է․ այստեղ կանանց գործազրկության մակարդակը շարունակում է բարձր մնալ։
am
04.12.2023
Հայաստանյան առաջատար բանկը Վերակառուցման եւ զարգացման եվրոպական բանկից (ՎԶԵԲ) կստանա երկու հավասար վարկերից բաղկացած 20 մլն. ԱՄՆ դոլարի չափով ֆինանսավորում՝ մասնավոր հատվածի վերավարկավորման նպատակով։

Քուքիներ
Այս կայքն օգտագործում է թխուկներ՝ ձեզ առաջարկելով կայքը թերթելու ավելի լավ հնարավորություններ: Կարդալ ավելին
Ես մերժում եմ թխուկները
Ես ընդունում եմ թխուկները