ՀԵԵՀ-ի նպատակն է խթանել տնտեսական զարգացումն ու բարգավաճումը Հարավարևելյան Եվրոպայի և Եվրոպական արևելյան հարևանության տարածաշրջաններում՝ զարգացման նպատակով լրացուցիչ կայուն ֆինանսավորում տրամադրելով, որը համապատասխան ֆինանսական հաստատությունների միջոցով ուղղվում է հատկապես միկրո և փոքր ձեռնարկություններին և առանձին տնային տնտեսություններին:
2016թ. իր տարեկան զեկույցում ՀԵԵՀ-ը ներկայացնում է, թե ինչպես է շարունակել ընդլայնել իր աջակցությունը ստարտափներին՝ օգնելու հարթել հաճախ դժվարին այն ճանապարհը, որին բախվում են ՀԵԵՀ տարածաշրջանների նորաստեղծ ընկերությունները՝ տարածաշրջաններ, որոնց տնտեսական համակարգերը ենթարկվել են աննախադեպ ձախողումների: Նշվում է նաև, որ որոշ շուկաներ դեռևս կարիք ունեն բարելավելու հաջող ձեռնարկատիրության համար պահանջվող մի շարք տարրեր՝ ֆինանսների հասանելիություն, բիզնեսի և ֆինանսների ոլորտում ֆորմալ կրթություն, ինչպես նաև ստարտափներին և դրանց հաջորդող փոքր ու միջին ձեռնարկություններին աջակցող միջավայր, որոնք բոլորն էլ շարունակում են նոր մարտահրավերների դիմակայել:
